കണ്ണൂര്‍ സ്വദേശിയടക്കം രണ്ടുപേര്‍ ഖത്തറില്‍ അപകടത്തില്‍ മരിച്ചു

കണ്ണൂര്‍ സ്വദേശിയടക്കം രണ്ടു പേര്‍ ഖത്തറില്‍ വാഹനാപകടത്തില്‍ മരിച്ചു. കണ്ണൂര്‍ മട്ടന്നൂര്‍ സ്വദേശി ചോലയില്‍ രഹ്നാസ്(40), നേപ്പാള്‍ സ്വദേശി മണ്ഡല്‍ സകല്‍ദേവ് എന്നിവരാണ് മരിച്ചത്. മറ്റൊരു നേപ്പാള്‍ സ്വദേശി പരിക്കേറ്റ് ഗുരുതരാവസ്ഥയില്‍ ചികിത്സയിലാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഖത്തറിലെ സ്റ്റാര്‍വാള്‍ട്ട് കമ്പനിയിലെ ഡെലിവറി വിഭാഗത്തില്‍ ജീവനക്കാരനായിരുന്ന രഹ്‌നാസും രണ്ട് സഹപ്രവര്‍ത്തകരും സഞ്ചരിച്ചിരുന്ന വാന്‍ നിര്‍ത്തിയിട്ട ട്രെയ്ലറിന് പിന്നില്‍ ഇടിച്ചുകയറുകയായിരുന്നു. വെള്ളിയാഴ്ച വൈകീട്ടോടെയാണ് അപകടം. വരട്ടിയോടന്‍ അബ്ദുല്‍ വാഹിദിന്റെയും ചോലയില്‍ ഖദീജയുടെയും മകനാണ് രഹ്നാസ്്. ഭാര്യ: ശരീഫ. മക്കള്‍: മിന്‍ഹ ഫാത്തിമ(13), സൈനുല്‍ ഹാഫിസ്(9), സാഖിഫ് അയ്മന്‍(2).

ഹമദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹങ്ങള്‍ നടപടിക്രമങ്ങള്‍ പൂര്‍ത്തിയാക്കിയ ശേഷം നാട്ടിലേക്ക് കൊണ്ടുപോകും. ഇതിനായി കമ്പനി അധികൃതരും ഖത്തര്‍ കെഎംസിസി അല്‍ ഇഹ്സാന്‍ മയ്യിത്ത് പരിപാലന കമ്മറ്റിയും രംഗത്തുണ്ട്.