Kerala Gold Rate: റോക്കറ്റ് പോലെ കുതിച്ച് സ്വര്‍ണവില; ഇന്ന് കൂടിയത് 2200 രൂപ

കൊച്ചി: കേരളത്തില്‍ റോക്കറ്റ് പോലെ കുതിച്ച് സ്വര്‍ണവില. പവന്‍ സ്വര്‍ണത്തിന് 2200 രൂപയാണ് ഇന്ന് വര്‍ധിപ്പിച്ചിരിക്കുന്നത്. കേരളത്തിലെ സ്വര്‍ണവിപണിയുടെ ചരിത്രത്തില്‍ വളരെ അപൂര്‍വ്വമായാണ് ഇത്ര ഉയര്‍ന്ന വര്‍ധന ഒരൊറ്റദിവസം രേഖപ്പെടുത്തുന്നത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അന്താരാഷ്ട്ര സ്വര്‍ണവിലയും കുത്തനെ വര്‍ധിക്കുകയാണ്. ഇതാണ് കേരളത്തിലും പ്രതിഫലിക്കുന്നത്. ഒരു ഔണ്‍സ് സ്വര്‍ണത്തിന് 3485 ഡോളറാണ് നിലവിലെ വില. ഇത് 3500 ഡോളര്‍ കടന്ന് കുതിക്കുമെന്നാണ് ഏറ്റവും പുതിയ റിപ്പോര്‍ട്ടുകള്‍ സൂചിപ്പിക്കുന്നത്.

അപ്രതീക്ഷിതമായി സ്വര്‍ണത്തിന് ഡിമാന്റ് കൂടിയതാണ് വിലയിലെ കുതിപ്പിന് പിന്നില്‍. വിവിധ രാജ്യങ്ങള്‍ക്ക് ചുമത്തിയ തീരുവ താത്കാലികമായി നിര്‍ത്തിവെയ്ക്കാന്‍ തീരുമാനിച്ചെങ്കിലും ചൈനയുടേത് വന്‍തോതില്‍ വര്‍ധിപ്പിച്ചതാണ് പെട്ടെന്നുള്ള ഡിമന്റ് വര്‍ധനയ്ക്ക് പിന്നില്‍.

ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില്‍ പ്രതിഫലിക്കുന്നത്. തുടര്‍ച്ചയായ അഞ്ച് ദിവസത്തെ വിലയിടിവിന് ശേഷമാണ് കേരളത്തിൽ സ്വര്‍ണവിലയില്‍ തുടര്‍ച്ചയായി വര്‍ധനവുണ്ടാകുന്നത്.

കഴിഞ്ഞ മാസം 20ന് 66,480 രൂപയായി ഉയര്‍ന്ന് സര്‍വകാല റെക്കോര്‍ഡ് ഇട്ട സ്വര്‍ണം ഇടക്ക് കുറഞ്ഞെങ്കിലും പിന്നീട് തിരിച്ചുകയറിയാണ് റെക്കോഡ് തിരുത്തിയത്. പവന് ആയിരം കുറഞ്ഞ ശേഷം ആണ് സ്വര്‍ണവില തിരിച്ചുകയറാന്‍ തുടങ്ങിയത്.

ഏപ്രില്‍ മാസത്തെ സ്വര്‍ണ വില (പവനില്‍