24
May 2025
Wed
 |
|
തിരുവനന്തപുരം:കേരളത്തില് ഇന്നും ശക്തമായ മഴയ്ക്ക് സാധ്യതയെന്ന് കാലാവസ്ഥാവകുപ്പിന്റെ മുന്നറിയിപ്പ്. ഇതുപ്രകാരം ഇന്ന് 4 ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, കോഴിക്കോട്, വയനാട് എന്നീ ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലികളില് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യമാണ് ശക്തമായ മഴ. കാലവര്ഷം ആന്ഡമാന് കടലിലെത്തിയതിനെത്തുടര്ന്നാണ് കേരളത്തിലും മഴ ശക്തമാകുന്നത്.
ഇതോടൊപ്പം കേരളത്തില് കള്ളക്കടല് മുന്നറിയിപ്പും പ്രവചിച്ചിട്ടുണ്ട്. കള്ളക്കടല് പ്രതിഭാസത്തിന്റെ ഭാഗമായി കേരളാ തീരത്ത് 15/05/2025 ന് രാത്രി 11.30 വരെ 0.4 മുതല് 0.8 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. കന്യാകുമാരി തീരത്ത് 15/05/2025 ന് രാത്രി 11.30 വരെ കള്ളക്കടല് പ്രതിഭാസത്തിന്റെ ഭാഗമായി 0.8 മുതല് 1.0 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയും ഉണ്ട്.
ആന്ഡമാന് കടലില് കാലവര്ഷം ഇക്കുറി എത്തിയത് പതിവിലും നേരത്തെയാണ് എത്തിയത്. സാധാരണ ഗതിയില് മെയ് 22 നാണ് കാലവര്ഷം ആന്ഡമാനില് എത്തേണ്ടത്. ഇക്കുറി ഒമ്പത് ദിവസം മുമ്പ് എത്തിയതോടെ കേരളത്തിലെയും സാഹചര്യം മാറുകയാണ്. സാധാരണ ഗതിയില് ആന്ഡമാനില് നിന്ന് 10 ദിവസം കൊണ്ടാണ് കേരളത്തിലെത്തുക.
Kerala Rain Alert: Be careful when going out, heavy rain today; Yellow alert in 4 districts
Latest News
More Stories
All Rights Reserved © 2022