05
Oct 2024
Wed
തിരുവനന്തപുരം: കേരളത്തില് രാവിലെ മുതല് തന്നെ അതിശക്തമായ മഴ തുടരുന്നു. മഴ രണ്ടുദിവസം കൂടി നീണ്ടുനില്ക്കുമെന്നാണ് പ്രവചനം. മഴപ്രമാണിച്ച് വിവിധ ജില്ലകളില് ഓറഞ്ച്, മഞ്ഞ അലര്ട്ടുകള് പ്രഖ്യാപിച്ചു. ഒരാഴ്ച ഇടിമിന്നലോട് കൂടിയ മഴയ്ക്കുള്ള സാധ്യതയാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
 |
|
ഓറഞ്ച് അലര്ട്ട്
ഇന്ന്: മലപ്പുറം, കണ്ണൂര്
നാളെ : കോഴിക്കോട്, കണ്ണൂര്
എന്നീ ജില്ലകളില് കേന്ദ്ര കാലാവസ്ഥവകുപ്പ് ഓറഞ്ച് അലര്ട്ട് പ്രഖ്യാപിച്ചു. ഒറ്റപ്പെട്ടയിടങ്ങളില് അതിശക്തമായ മഴക്കുള്ള സാധ്യതയാണ് ഇവിടെ പ്രവചിച്ചിരിക്കുന്നത്.
മഞ്ഞ അലര്ട്ട്
ഇന്ന്: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, കോഴിക്കോട്, വയനാട്, കാസര്ഗോഡ്
നാളെ: തൃശൂര്, പാലക്കാട്, മലപ്പുറം, വയനാട്, കാസര്ഗോഡ്
എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചു.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടെയെല്ലാം പ്രവചിക്കപ്പെട്ടത്.
തീരദേശങ്ങളില് അതീവ ജാഗ്രത
കേരള തീരദേശങ്ങളില് അതീവ ജാഗ്രത പുലര്ത്താനും മുന്നറിയിപ്പുണ്ട്. തീരത്ത് ശക്തമായ തിരമാലക്കും കള്ളക്കടല് പ്രതിഭാസത്തിനും സാധ്യതയുള്ളതിനാല് റെഡ് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകളിലെ തീരപ്രദേശങ്ങളില് ശക്തമായ തിരമാലക്കും കള്ളക്കടല് പ്രതിഭാസത്തിനും സാധ്യതയുണ്ട്.
കേരള തീരത്ത് ഇന്ന് രാത്രി 11.30 വരെ 1.0 മീറ്റര് മുതല് 2.0 മീറ്റര് വരെ ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനുമാണ് സാധ്യതയുള്ളത്. തീരദേശ മേഖലകളില്, പ്രത്യേകിച്ച് താഴ്ന്ന പ്രദേശങ്ങളില്, വെള്ളം കയറാനും കടലാക്രമണത്തിനും സാധ്യത നിലനില്ക്കുന്നു.
തമിഴ്നാട്ടിലെ തൂത്തുക്കുടി, കന്യാകുമാരി, തിരുനെല്വേലി തീരങ്ങളിലും, ലക്ഷദ്വീപ്, മാഹി, കര്ണാടക തീരങ്ങളിലും ഉയര്ന്ന തിരമാലയ്ക്കും കള്ളക്കടല് പ്രതിഭാസത്തിനും ജാഗ്രത മുന്നറിയിപ്പുണ്ട്. കടലാക്രമണത്തിന് സാധ്യതയുള്ളതിനാല് മത്സ്യത്തൊഴിലാളികളും തീരദേശവാസികളും അതീവ ജാഗ്രത പാലിക്കുക.
Kerala Rain Alert: Heavy rain since morning; Orange alert in two districts
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
All Rights Reserved © 2026