23
Jul 2025
Thu
തിരുവനന്തപുരം: ശക്തമായ മഴയ്ക്ക് സാധ്യതയുള്ളതിനാല് സംസ്ഥാനത്തെ എട്ടു ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലര്ട്ട് നല്കി. പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ടുള്ളത്.
 |
|
അതിശക്ത മഴയ്ക്ക് സാധ്യതയുള്ളതിനാല് നാളെ പത്തനംതിട്ട, കോട്ടയം, എറണാകുളം, ഇടുക്കി, തൃശൂര് ജില്ലകളില് ഓറഞ്ച് അലര്ട്ടും ഒന്പത് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. പടിഞ്ഞാറന് പസഫിക് സമുദ്രത്തില് രൂപപ്പെട്ട ‘വിഫ’ ചുഴലിക്കാറ്റ് ചക്രവാത ചുഴിയായി ദുര്ബലമായി അടുത്ത 24 മണിക്കൂറിനുള്ളില് വടക്കന് ബംഗാള് ഉള്ക്കടലിലേക്ക് പ്രവേശിക്കും. തുടര്ന്നുള്ള 24 മണിക്കൂറില് ചക്രവാത ചുഴി വീണ്ടും ന്യൂനമര്ദ്ദമായി ശക്തി പ്രാപിക്കാനും സാധ്യതയുണ്ട്. കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
നാളെ വീണ്ടും മഴ ശക്തമാകുമെന്നും കാലാവസ്ഥാ നിരീക്ഷണ കേന്ദ്രം അറിയിക്കുന്നു. നാളെ അഞ്ച് ജില്ലകളില് ഓറഞ്ച് അലര്ട്ട് നിലവിലുണ്ട്. പത്തനംതിട്ട, കോട്ടയം, ഇടുക്കി, എറണാകുളം, തൃശ്ശൂര് ജില്ലകളിലാണ് നാളെ ഓറഞ്ച് അലര്ട്ട് പ്രഖ്യാപിച്ചിട്ടുള്ളത്.
Kerala Weather News: Rain continues today; Yellow alert in eight districts
Latest News
More Stories
All Rights Reserved © 2022