23
Jun 2025
Sun
പോക്സോ കേസില് ഒളിവില്പോയ മദ്റസാ അധ്യാപകന് പിടിയില്. പെരിന്തല്മണ്ണ കൊളത്തൂര് സ്വദേശി മുഹമ്മദ് അഷ്റഫാണ് പിടിയിലായത്. മലപ്പുറം കൊണ്ടോട്ടിയിലെ മദ്റസയില് വച്ച് 12 വയസ്സുകാരനെ ലൈംഗികമായി പീഡിപ്പിച്ച കേസിലാണ് ഇയാള് അറസ്റ്റിലായത്.
 |
|
കോഴിക്കോട് റെയില്വേ സ്റ്റേഷനില് നിന്നാണ് കൊണ്ടോട്ടി ഡെപ്യൂട്ടി പൊലീസ് സൂപ്രണ്ട് പികെ സന്തോഷിന്റെ നേതൃത്വത്തില് പ്രതിയെ പിടികൂടിയത്. പീഡനത്തിനിരയായ വിദ്യാര്ഥിയുടെ കുടുംബത്തിന്റെ പരാതിയില് ഏഴുമാസം മുമ്പ് കേസ് രജിസ്റ്റര് ചെയ്തതിനു പിന്നാലെ പ്രതി ഒളിവില് പോവുകയായിരുന്നു.
ഡല്ഹി, അജ്മീര്, ഹൈദരാബാദ്, ഏര്വാടി, മംഗളൂരു തുടങ്ങിയ വിവിധ സ്ഥലങ്ങളില് ഇയാള് ഒളിച്ചു താമസിക്കുകയായിരുന്നുവെന്ന് പോലീസ് പറഞ്ഞു. കോടതിയില് ഹാജരാക്കിയ മുഹമ്മദ് അഷ്റഫിനെ റിമാന്ഡ് ചെയ്തു.
Latest News
More Stories
All Rights Reserved © 2022