16
Jan 2024
Fri
കുവൈത്ത് ദീനാര് കറന്സികളിലെ രാജാവ്; ദീനാര് ലഭിക്കാന് വേണ്ടത് 3.25 ഡോളര്; അപ്പോള് ഇന്ത്യ രൂപയോ?
 |
|
കുവൈത്ത് സിറ്റി: ലോകത്തെ ഏറ്റവും ശക്തമായ കറന്സികളുടെ പട്ടികയില് കുവൈത്ത് ദീനാര് ഒന്നാമത്. ഫോര്ബ്സ് മാസികയുടെ പുതിയ പട്ടികയാണ് പുതിയത്. 3.25 ഡോളറിന് തുല്യമാണ് ഒരു കുവൈത്ത് ദീനാര്. ഒരു യു.എസ് ഡോളറിന് പകരമായി നല്കേണ്ട വിദേശ കറന്സി യൂനിറ്റുകളുടെ എണ്ണത്തെ അടിസ്ഥാനമാക്കി ഏറ്റവും ശക്തമായ കറന്സികള് വിശകലനം ചെയ്തതിന്റെ അടിസ്ഥാനത്തില് ആണ് റിപ്പോര്ട്ട്. ലോകത്ത് ഏറ്റവും ശക്തമായ ആദ്യ മൂന്ന് കറന്സികളും ഗള്ഫ് മേഖലയില് നിന്നാണ്. രണ്ടാം സ്ഥാനത്തുള്ള കറന്സി ബഹ്റൈന് ദീനാറും മൂന്ന് സ്ഥാനത്ത് ഒമാന് റിയാലുമാണ്.
കഴിഞ്ഞ മേയില് ഫോബ്സ് പുറത്തിറക്കിയ പട്ടികയിലും കുവൈത്ത് ദീനാര് ഒന്നാം സഥാനത്തായിരുന്നു. 1961ലാണ് കുവൈത്ത് ദിനാര് ആരംഭിച്ചത്. 1990ല് ഇറാഖ് അധിനിവേശ സമയത്ത് ദിനാറിന് ഇടിവ് രേഖപ്പെടുത്തിയെങ്കിലും കുവൈത്ത് വിമോചനത്തോടെ വീണ്ടും ശക്തമായി തിരിച്ചുവന്നു. അതേസമയം, ഇന്റര്നാഷനല് മോണിറ്ററി ഫണ്ടിന്റെ വെബ്സൈറ്റില് പ്രസിദ്ധീകരിച്ച പട്ടികയില് ഇന്ത്യ 15ാം സ്ഥാനത്താണ്. ഒരു യു.എസ് ഡോളര് ലഭിക്കാന് 83 ഇന്ത്യന് രൂപ വേണം. കുവൈത്ത് ദീനാര് ഒന്നിന് 270 ഇന്ത്യന് രൂപയാണ് വേണ്ടത്.
യു.എസിൽ നാണയപ്പെരുപ്പം ഏറ്റക്കുറച്ചിലുകളോടെയാണെങ്കിലും ദിവസങ്ങൾ തുടരുമെന്നാണ് സൂചന. ഇത് വലിയ പ്രതിഫലനങ്ങൾ സൃഷ്ടിക്കുകയും കുവൈത്ത് ദീനാറിന്റെ കരുത്ത് വർധിപ്പിക്കുകയും ചെയ്യും. ഇതോടൊപ്പം ഇന്ത്യൻ രൂപയുടെ മൂല്യം കുറയുന്ന പ്രവണതയും തുടർന്നാൽ രൂപയുമായുള്ള ദീനാറിന്റെ വിനിമയ നിരക്ക് ഉയർന്ന നിലയിൽ തുടരുമെന്ന് സാമ്പത്തിക വിദഗ്ധര് ചൂണ്ടിക്കാട്ടുന്നു. ക്രൂഡോയില് വില ഉയരുന്നതും ഇന്ത്യൻ രൂപക്ക് തിരിച്ചടിയാണ്.
TOP 10 CURRENCIES OF THE WORLD
1. KUWAITI DINAR
2. BAHRAINI DINAR
3. OMANI RIAL
4. JORDANIAN DINAR
5. GIBRALTAR POUND
6. BRITISH POUND
7. CAYMAN ISLAND DOLLAR
8. SWISS FRANC
9. EURO
10. US DOLLAR
Not US dollar, this is world’s strongest currency. Check full list
Latest News
More Stories
All Rights Reserved © 2022