പാരവയ്പിന്റെ അന്തിമ ഫലം

അഹ്‌മദ്‌ ശരീഫ് പി

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബിജെപിക്ക് ജന്മദിന സമ്മാനമായി കോൺഗ്രസിന്റ തലപ്പത്തിരുന്ന് ഇത്ര കാലവും സംഘ് കളിച്ചു കൊണ്ടിരുന്ന എ കെ ആന്റണി സ്വന്തം മകനെ തന്നെ ദാനം ചെയ്തിരിക്കുന്നു. ബിബിസി വിഷയം മുതൽ പ്രതീക്ഷിക്കുന്നതാണെങ്കിലും ആന്റണിയുടെ മിണ്ടാപ്പൂച്ച നയം ഫലം കാണുകയാണ്. ക്രിസ്തു മത വിശ്വാസികളെ കൂട്ടമായി ഇതോടെ ബിജെപിയിൽ എത്തിക്കാനാവുമത്രെ .

കോൺഗ്രസിന്റെ തലപ്പത്തിരുന്നു ഇത്ര കാലവും ആന്റണി ഭൂരിപക്ഷത്തെ അനുസരിച്ചു ന്യുനപക്ഷങ്ങൾ കഴിഞ്ഞുകൊള്ളണമെന്ന് പറഞ്ഞു നടന്നിരുന്നു. കഴിഞ്ഞ പൊതു തിരഞ്ഞെടുപ്പിൽ ഇതര പാർട്ടികളുമായി ധാരണ ഉണ്ടാക്കാൻ നിയോഗിക്കപ്പെട്ട കമ്മറ്റി തലവൻ ആയിട്ടും ഒന്നും ചെയ്യാതിരുന്ന, കമ്മറ്റി വിളിച്ചു കൂട്ടുക പോലും ചെയ്യാതിരുന്ന, അങ്ങനെ ബിജെപി വിജയം സുഗമമാക്കി കൊടുത്ത ആന്റണി സ്വന്തം മകനെ തന്നെ ഇപ്പോൾ കാണിക്ക വയ്ക്കുമ്പോൾ പാവം കോൺഗ്രസുകാർ മൂക്കത്തു വിരൽ വച്ചിട്ട് എന്ത് കാര്യം.

ആന്റണിക്ക് കോൺഗ്രസിനും മതേതരത്വത്തിനും ഏല്പിക്കാൻ കഴിയുന്ന ഏറ്റവും വലിയ ആഘാതം അങ്ങോർ തന്നിരിക്കുന്നു. കോൺഗ്രസിൽ നിന്നും എല്ലാ ആനുകൂല്യങ്ങളും സൗകര്യങ്ങളും മുഖ്യമന്ത്രി പദവിയും കേന്ദ്ര മന്ത്രിസ്ഥാനവും പുറം സ്വാധീനത്തിലൂടെ കൈക്കലാക്കി ഒടുവിൽ ചവച്ചു തുപ്പുമ്പോൾ ജനങ്ങൾ വീണ്ടും വിഡ്ഢികളായി മാറുന്നു.