“പൊലീസിനും പട്ടാളത്തിനും മുന്നിൽ ഒരിഞ്ച് പിൻമാറരുത്!”: ഡൽഹി സമരമുഖത്തുള്ള മകൾക്ക് ഉമ്മയുടെ കത്ത്!

കോഴിക്കോട്/ന്യൂഡൽഹി: രാജ്യതലസ്ഥാനം പ്രക്ഷോഭച്ചൂടിൽ എരിയുമ്പോൾ, ഡൽഹി പൊലീസിന്റെ കസ്റ്റഡിയിലായ മകൾക്ക് പിന്തുണയുമായി ജമാഅത്തെ ഇസ്‌ലാമി വനിതാ വിഭാഗം സംസ്ഥാന പ്രസിഡന്റ് പി.ടി.പി. സാജിത എഴുതിയ ഫേസ്ബുക്ക് കുറിപ്പ് ശ്രദ്ധേയമാകുന്നു. ഡൽഹി യൂണിവേഴ്സിറ്റി വിദ്യാർത്ഥിനിയും ഫ്രറ്റേണിറ്റി മൂവ്മെന്റ് നേതാവുമായ ഹൈഫയ്ക്ക് മാതാവ് എഴുതിയ കുറിപ്പ് ഇതിനകം സാമൂഹിക മാധ്യമങ്ങളിൽ വൈറലായിക്കഴിഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് ഡൽഹിയിൽ നടത്തുന്ന പ്രക്ഷോഭത്തിനിടയിലാണ് ഹൈഫയെയും ഐസ നേതാവ് നേഹ ബോറയെയും ഡൽഹി പൊലീസ് കസ്റ്റഡിയിലെടുത്തത്. ഇവരെ ദൗലത്പൂർ പൊലീസ് സ്റ്റേഷനിലേക്ക് മാറ്റുകയായിരുന്നു.

“ഒരിഞ്ച് പിൻമാറാതെ മുന്നോട്ട് കുതിക്കൂ”

മകൾ സമരമുഖത്ത് നേരിടുന്ന പൊലീസിന്റെ അതിക്രമങ്ങളെയും പ്രതിസന്ധികളെയും ധീരമായി നേരിടാൻ ആഹ്വാനം ചെയ്തുകൊണ്ടാണ് പി.ടി.പി. സാജിത കുറിപ്പ് പങ്കുവെച്ചിരിക്കുന്നത്:

“56 ഇഞ്ചുകാരന്റെ പൊലീസിന്റേയും പട്ടാളത്തിന്റേയും മുന്നില്‍ ഒരിഞ്ച് പിന്‍മാറാതെ മുന്നോട്ട് കുതിക്കണം. അധികാരത്തിന്റെ ദണ്ഡ് ഉപയോഗിച്ച് ജനാധിപത്യ പ്രതിഷേധങ്ങളെ തച്ച് തകര്‍ക്കുന്നവര്‍ക്ക് നേരെ ധൈര്യപൂര്‍വ്വം നിലകൊള്ളണം. അനീതിയും അസമത്വവും വംശീയതയും പേറുന്ന ഭരണകൂടത്തിന് നേരെ സത്യത്തിന്റേയും നീതിയുടേയും മനുഷ്യത്വത്തിന്റെയും പ്രതീകമായി ഉയരണം. ഗ്യാനേഷ്‌കുമാര്‍ രാജിവെക്കുക. എസ്‌ഐആര്‍ റദ്ദാക്കുക.” — പി.ടി.പി സാജിത ഫേസ്ബുക്കിൽ കുറിച്ചു.

അന്താരാഷ്ട്ര മാധ്യമങ്ങളുടെ ശ്രദ്ധയിൽ പെട്ട് മലയാളി വിദ്യാർത്ഥിനി

കണ്ണൂർ സ്വദേശിനിയായ ഹൈഫ ഡൽഹി യൂണിവേഴ്സിറ്റി ഫ്രറ്റേണിറ്റി ജോയിന്റ് സെക്രട്ടറിയാണ്. വോട്ടർപട്ടിക ക്രമക്കേടുകൾക്കും പ്രത്യേക തീവ്ര പുനഃപരിശോധനാ (SIR) നടപടികൾക്കുമെതിരെ ഡൽഹിയിൽ നടക്കുന്ന സമരങ്ങളുടെ മുന്നേറ്റനിരയിലാണ് ഇവർ പ്രവർത്തിക്കുന്നത്.

കഴിഞ്ഞ ദിവസം പ്രക്ഷോഭസ്ഥലത്ത് വെച്ച് ഹൈഫയെ പൊലീസ് ബലപ്രയോഗത്തിലൂടെ കസ്റ്റഡിയിലെടുക്കുന്നതിന്റെ ചിത്രങ്ങളും ദൃശ്യങ്ങളും ബി.ബി.സി (BBC), അൽജസീറ (Al Jazeera) ഉൾപ്പെടെയുള്ള പ്രമുഖ അന്താരാഷ്ട്ര മാധ്യമങ്ങൾ പ്രധാന വാർത്തയായി പ്രസിദ്ധീകരിച്ചിരുന്നു. രാജ്യതലസ്ഥാനത്ത് ശക്തമാകുന്ന യുവജന പ്രക്ഷോഭങ്ങൾക്ക്  മാതാപിതാക്കളുടെയും വിദ്യാർത്ഥി സംഘടനകളുടെയും ഭാഗത്തുനിന്ന് വലിയ പിന്തുണയാണ് ലഭിച്ചുകൊണ്ടിരിക്കുന്നത്.

Tags: PTP Sajida, Haifa Delhi University, Fraternity Movement Delhi, CJP Protest Gyanesh Kumar, Kerala News Malayalam, National News Malayalam, Jamaat-e-Islami Kerala

News Tag Live യുട്യൂബ് ചാനല്‍ Subscribe ചെയ്യുക