മോര്‍ച്ചറിയില്‍ പോസ്റ്റ്‌മോര്‍ട്ടം കാത്തുകിടന്ന മൃതദേഹത്തോടൊപ്പം സെക്‌സ്; യുവാവ് അറസ്റ്റില്‍

Sex with dead body in mortuary ഭോപ്പാല്‍: മോര്‍ച്ചറിയില്‍ പോസ്റ്റ്‌മോര്‍ട്ടത്തിനായി സൂക്ഷിച്ച മൃതദേഹത്തെ ലൈംഗികമായി ഉപയോഗിച്ച യുവാവ് ഒരു വര്‍ഷത്തിന് ശേഷം അറസ്റ്റില്‍. മധ്യപ്രദേശിലെ ബുര്‍ഹാന്‍പൂര്‍ ജില്ലയിലെ ഖാക്‌നര്‍ കമ്യൂണിറ്റി ഹെല്‍ത്ത് സെന്ററിലായിരുന്നു ഞെട്ടിക്കുന്ന സംഭവം. ഒരു വര്‍ഷം മുമ്പ് നടന്ന സംഭവത്തിന്റെ വീഡയോ ദൃശ്യങ്ങള്‍ പുറത്തുവന്നതിനെ തുടര്‍ന്നാണ് സംഭവം പുറത്തുവന്നത്. ഇതിനുപിന്നാലെ പ്രതിയെ തിരിച്ചറിഞ്ഞ് അറസ്റ്റ് ചെയ്യുകയായിരുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മൃതദേഹത്തെ പീഡിപ്പിക്കുന്ന ദൃശ്യങ്ങള്‍ സോഷ്യല്‍മീഡിയയില്‍ പ്രചരിച്ചതോടെ മെഡിക്കല്‍ ഓഫീസര്‍ ഡോ. ആദ്യ ദവാര്‍ പരാതി നല്‍കുകയായിരുന്നെന്ന് എഎസ്പി അന്ദര്‍ സിങ് കനേഷ് പറഞ്ഞു. തുടര്‍ന്ന് നടത്തിയ പ്രാഥമികാന്വേഷണത്തില്‍, 2024 ഏപ്രില്‍ 18ന് പുലര്‍ച്ചെ 6.45നാണ് സംഭവം നടന്നതെന്ന് വ്യക്തമായി.

പ്രതി മോര്‍ച്ചറിയിലെ സ്ട്രച്ചറില്‍ നിന്ന് മൃതദേഹം താഴേക്ക് വലിച്ചിട്ട ശേഷം വലിച്ചിഴച്ചുകൊണ്ടുപോവുകയായിരുന്നു. ഈ ദൃശ്യങ്ങള്‍ വ്യക്തമായി വീഡിയോയില്‍ പതിഞ്ഞിട്ടുണ്ട്.

സ്റ്റേഷന്‍ ഹൗസ് ഓഫീസര്‍ അഭിഷേക് ജാധവിന്റെ നേതൃത്വത്തില്‍ നടത്തിയ അന്വേഷണത്തില്‍ താന്‍ഗിയാപട്ട് ?സ്വദേശിയായ 25കാരന്‍ നീലേഷ് ഭിലാലയാണ് പ്രതിയെന്ന് വ്യക്തമായി. തുടര്‍ന്ന്, ഇയാളെ പൊലീസ് പിടികൂടുകയായിരുന്നു. ചോദ്യം ചെയ്യലില്‍ ഇയാള്‍ കുറ്റം സമ്മതിച്ചു.

പ്രതിയെ ബുര്‍ഹാന്‍പൂരിലെ പ്രാദേശിക കോടതിയില്‍ ഹാജരാക്കി. ആരോഗ്യ കേന്ദ്രത്തിലെ പോസ്റ്റ്മോര്‍ട്ടം വിഭാഗത്തില്‍ പ്രതി എങ്ങനെ പ്രവേശിച്ചുവെന്ന് കണ്ടെത്താന്‍ അന്വേഷണം തുടരുകയാണെന്ന് ഉദ്യോഗസ്ഥര്‍ പറഞ്ഞു.

News Tag Live യുട്യൂബ് ചാനല്‍ Subscribe ചെയ്യുക