ബസിനുള്ളിൽ 17 കാരന് പീഡനശ്രമം; പ്രതി പഞ്ചായത്ത് ഓവർസിയർ; വീഡിയോ പുറത്ത്

പത്തനംതിട്ട: ബസിനുള്ളിൽ പീഡിപ്പിക്കാൻ ശ്രമിച്ച സർക്കാർ ഉദ്യോഗസ്ഥനെ കുരുക്കി പതിനേഴുകാരനായ വിദ്യാർഥി. പത്തനംതിട്ടയിൽ ഇന്നലെ സ്വകാര്യ ബസിലായിരുന്നു പീഡനശ്രമം. പ്രതി ലൈംഗികമായി ഉപദ്രവിക്കുന്നത് പതിനേഴുകാരൻ ഫോണിൽ വീഡിയോ ചിത്രീകരിച്ചു. ശല്യം കൂടി വന്നതിനാൽ 17 കാരൻ ബഹളംവയ്ക്കുകയായിരുന്നു. ഇതോടെ പ്രതി ബസിൽനിന്ന് ഇറങ്ങിയോടി രക്ഷപെട്ടു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പതിനേഴുകാരൻറെ പരാതിയിൽ കൊടുമൺ പൊലീസ് പോക്‌സോ അടക്കമുള്ള വകുപ്പുകൾ ചേർത്ത് കേസെടുത്തു. പരാതിയിൽ ഉറച്ചുനിൽക്കുന്നതായും കേസുമായി മുന്നോട്ടുപോകുമെന്നും പരാതിക്കാരൻ പറഞ്ഞു. പന്തളം തെക്കേക്കര പഞ്ചായത്തിലെ ഓവർസിയറാണ് പ്രതി. പ്രതിക്കുവേണ്ടി അന്വേഷണം ഊർജിതമാക്കിയതായി പോലീസ് അറിയിച്ചു.