ഇതു ഹിന്ദുരാഷ്ട്രമാണ് ക്രിസ്ത്യാനികളുടെ ഒന്നും ഇവിടെ വില്‍ക്കേണ്ട; തെരുവുകച്ചവടക്കാരെ തുരത്തിയോടിച്ച് ഹിന്ദുത്വ അക്രമികള്‍

ഇതു ഹിന്ദുരാഷ്ട്രമാണെന്നും ക്രിസ്താനികളുടെ ഒന്നും ഇവിടെ വില്‍ക്കേണ്ടെന്നും ആക്രോശിച്ച് തെരുവുകച്ചവടക്കാരെ തുരത്തി ഹിന്ദുത്വ അക്രമികള്‍. ഒഡീഷയില്‍ നിന്നാണ് ഇത്തരമൊരു വീഡിയോ പുറത്തുവന്നത്. ഗോ സേവക് രാധാമാധവ് ദാസ് എന്ന ഇന്‍സ്റ്റഗ്രാം അക്കൗണ്ടിലാണ് ഈ വീഡിയോ ഉള്ളത്. ഹിന്ദുക്കള്‍ ഉണരണമെന്നും നാം ഉണര്‍ന്നാല്‍ മാത്രമേ ഹിന്ദു മതത്തെ സംരക്ഷിക്കാനാവൂ എന്നും ഈ വിഡിയോ പങ്കുവച്ചുകൊണ്ട് ഇയാള്‍ പറയുന്നു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കാറിലെത്തിയ രാധാ മാധവ് ദാസും സംഘവുമാണ് തെരുവില്‍ ക്രിസ്മസ് പാപ്പാനിയുടെ തൊപ്പിയും ഉടുപ്പുമൊക്കെ വില്‍ക്കുന്ന കച്ചവടക്കാരെ ഭീഷണിപ്പെടുത്തിയത്. വഴിയോരത്തിട്ട് പാപ്പാനി വസ്ത്രങ്ങള്‍ വില്‍ക്കുന്നവരെയാണ് അക്രമികള്‍ ഭീഷണിപ്പെടുത്തി ഓടിക്കുന്നത്. കച്ചവടം ചെയ്യുന്ന യുവാവിനോട് എവിടെ നിന്നു വരുന്നുവെന്ന ചോദ്യത്തിന് രാജസ്ഥാന്‍ ആണെന്നാണ് മറുപടി. കച്ചവടം തടസ്സപ്പെടുത്തിയതോടെ ഇവിടെ നില്‍ക്കുന്ന യുവാവ് ആരെയോ ഫോണില്‍ വിളിക്കാന്‍ ശ്രമിക്കുന്നുണ്ട്. ഇതിനിടെ കാറിലുണ്ടായിരുന്ന മറ്റ് അക്രമികളും യുവാവിനെ ചോദ്യംചെയ്യുന്നുണ്ട്.