22
Aug 2025
Tue
Kerala Rain Alert: ഇടവേളയ്ക്ക് ശേഷം വീണ്ടും മഴയെത്തി, പലയിടത്തും രാവിലെ മുതല് നല്ല മഴ; നാലു ജില്ലകളില് യെല്ലോ അലര്ട്ട്; ഇടിമിന്നല് മുന്നറിയിപ്പും
 |
|
തിരുവനന്തപുരം: ദിവസങ്ങളുടെ ഇഠവേളയ്ക്ക് ശേഷം കേരളത്തില് വീണ്ടും മഴശക്തമാകുന്നു. സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചത്. മഴ സാധ്യതയ ഉള്ളതിനാല് ഇന്നു നാലു ജില്ലകളില് അതിശക്ത മഴ മുന്നറിയിപ്പായ യെല്ലോ അലര്ട്ട് (Yellow Alert) പുറപ്പെടുവിച്ചു. കോട്ടയം, എറണാകുളം, തൃശ്ശൂര്, കാസര്കോട് ജില്ലകളിലാണ് യെല്ലോ അലര്ട്ടുള്ളത്. ഈ ജില്ലകളില് ഇടിമിന്നലിനും ഒറ്റപ്പെട്ടയിടങ്ങളില് മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു.
ഈ ആഴ്ച അവസാനത്തോടെ സംസ്ഥാനത്ത് മഴ വീണ്ടും സജീവമാകുമെന്നാണ് കാലാവസ്ഥ വകുപ്പിന്റെ പ്രവചനത്തില് പറയുന്നത്. മാഡന്ജൂലിയന് ഓസിലേഷന്റെ വ്യാപനം വരും ദിവസങ്ങളില് ബംഗാള് ഉള്ക്കടലില് ചുഴലിക്കാറ്റ് പ്രവര്ത്തനത്തിന് ശക്തി പകരുമെന്നാണ് കാലാവസ്ഥ വകുപ്പിന്റെ കണക്കുകൂട്ടല്. നാളെ ബംഗാള് ഉള്ക്കടലിനു മുകളില് ആന്ധ്രാ ഒഡിഷ തീരത്തിനു സമീപം ന്യൂനമര്ദ്ദം രൂപപ്പെടുന്നതോടെ സംസ്ഥാനത്ത് കാലവര്ഷം വീണ്ടും സജീവമാകാനാണ് സാധ്യത.
മധ്യ പടിഞ്ഞാറന് അറബിക്കടല്, അതിനോട് ചേര്ന്ന തെക്ക് പടിഞ്ഞാറന് അറബിക്കടല്, വടക്ക് പടിഞ്ഞാറന് അറബിക്കടല് എന്നിവിടങ്ങളില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത. വടക്കന് ഗുജറാത്ത് തീരം, അതിനോട് ചേര്ന്ന വടക്ക് കിഴക്കന് അറബിക്കടല്, കൊങ്കണ് & ഗോവ തീരങ്ങള്, തെക്ക് പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്ക് കിഴക്കന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കല്, ആന്ഡമാന് കടല്, തെക്കന് തമിഴ്നാട് തീരം, ഗള്ഫ് ഓഫ് മന്നാര്, കന്യാകുമാരി പ്രദേശം എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. അതിനാല് മത്സ്യത്തൊഴിലാളികള് ജാഗ്രത പാലിക്കണമെന്നും അറിയിപ്പില് പറയുന്നു.
Latest News
More Stories
All Rights Reserved © 2022