കുട്ടികള്‍ തമ്മിലെ അടിപിടി രക്ഷിതാക്കള്‍ ഏറ്റെടുത്തു; ആറ്റിങ്ങലില്‍ വീട്ടില്‍കയറി യുവതിയെ വെട്ടി മധ്യവയസ്‌കന്‍

തിരുവനന്തപുരം: കുട്ടികൾ തമ്മിലെ അടിപിടി രക്ഷിതാക്കൾ ഏറ്റെടുത്തതോടെ ആറ്റിങ്ങലിൽ വീട്ടിൽകയറി യുവതിയെ വെട്ടി മധ്യവസയ്കൻ. സംഭവത്തിൽ അയൽവാസിയും ബന്ധുവുമായ ആളെ അറസ്റ്റ്‌ചെയ്തു. ആറ്റിങ്ങൽ ഇടയ്‌ക്കോട് കൊച്ചുപരുത്തി ആറ്റുവിളാകംവീട്ടിൽ ജി.ഷിബു (47)വിനെയാണ് ആറ്റിങ്ങൽ പൊലീസ് അറസ്റ്റു ചെയ്തത്. അവനവഞ്ചേരി കൊച്ചുപരുത്തിയിൽ സുജ (33)യ്ക്കാണ് വെട്ടേറ്റത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കുട്ടികൾ തമ്മിലുള്ള തർക്കം രക്ഷിതാക്കളേറ്റെടുത്തതാണു വഴക്കിനും ആക്രമണത്തിനും കാരണമായത്. ഇരുവരുടെയും മക്കൾ തമ്മിൽ കഴിഞ്ഞ ദിവസം തർക്കമുണ്ടാകുകയും വാക്കേറ്റം നടക്കുകയും ചെയ്തിരുന്നു. ഇക്കാര്യം ചോദിക്കാൻ ഷിബു, സുജയുടെ വീട്ടിൽ എത്തുകയും ഇരു കൂട്ടരും തമ്മിൽ വാക്കേറ്റമുണ്ടാകുകയുമായിരുന്നു.

തുടർന്ന് ഷിബു വീട്ടിൽപ്പോയി വെട്ടുകത്തിയുമായെത്തി സുജയെ ആക്രമിച്ചു. മുഖത്തും കൈക്കും വെട്ടേറ്റ സുജ തിരുവനന്തപുരം മെഡിക്കൽകോളേജ് ആശുപത്രിയിൽ ചികിത്സയിലാണ്.

ആറ്റിങ്ങൽ ഇൻസ്‌പെക്ടർ തൻസീം അബ്ദുൽസമദിന്റെ നേതൃത്വത്തിലുള്ള പൊലീസാണ് ഇയാളെ പിടികൂടിയത്. പ്രതിയെ കോടതിയിൽ ഹാജരാക്കി

News Tag Live യുട്യൂബ് ചാനല്‍ Subscribe ചെയ്യുക