രണ്ടാം അന്ത്യശാസനയും ഇറാന്‍ പുച്ഛിച്ചുതള്ളിയതോടെ നിലവിട്ട പ്രതികരണവുമായി ട്രംപ്

48 മണിക്കൂറിനുള്ളില്‍ ഹോര്‍മുസ് കടലിടുക്ക് തുറക്കണമെന്നും ഇല്ലെങ്കില്‍ നരകം പെയ്തിറങ്ങുമെന്നുമുള്ള തന്റെ അന്ത്യശാസന ഇറാന്‍ പുച്ഛിച്ചുതള്ളിയതോടെ നിലവിട്ട പ്രതികരണവുമായി യുഎസ് പ്രസിഡന്റ് ഡോണാല്‍ഡ് ട്രംപ്. അസഭ്യവര്‍ഷങ്ങളോടെയാണ് ട്രംപ് ഇറാനെതിരേ ട്രൂത്ത് സോഷ്യലില്‍ പ്രസ്താവനയിറക്കിയിരിക്കുന്നത്. ചൊവ്വാഴ്ച ഇറാനിലെ ഊര്‍ജനിലയ ദിനവും പാലം ദിനവും ആയിരിക്കും. എല്ലാം ഒന്നായി ചുരുട്ടിക്കെട്ടും. ഇതുപോലെയൊന്ന് അവിടെ ഉണ്ടാകില്ല. കടലിടുക്ക് തുറക്കൂ ഭ്രാന്തന്‍ തെണ്ടികളേ അല്ലെങ്കില്‍ നിങ്ങള്‍ നരകത്തിലാവും ജീവിക്കാന്‍ പോവുക. കണ്ടോളൂ. അല്ലാഹുവിന് സ്തുതി എന്നാണ് ട്രംപ് കുറിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇറാന്‍ വെടിവച്ചുവീഴ്ത്തിയ എഫ് 35 പോര്‍വിമാനത്തിലെ പൈലറ്റിനെ യുഎസിന്റെ ചരിത്രത്തിലെ ഏറ്റവും വലിയ ഓപറേഷനുകളിലൊന്ന് നടത്തി രക്ഷപ്പെടുത്തിയെന്ന ട്രംപിന്റെ പ്രസ്താവനയ്ക്കു പിന്നാലെ ഇറാന്‍ തങ്ങള്‍ യുഎസ് ഓപറേഷനെത്തിയ നിരവധി പോര്‍വിമാനങ്ങളെ വെടിവച്ചുവീഴ്ത്തിയെന്നു വെളിപ്പെടുത്തിയിരുന്നു. ഇതിനു പിന്നാലെയാണ് അസഭ്യവര്‍ഷവുമായി ട്രംപ് രംഗത്തുവന്നിരിക്കുന്നത്.