പാലക്കാട് രണ്ട് യുവാക്കള്‍ മുങ്ങി മരിച്ചു

പാലക്കാട്: മാട്ടുമന്ത മുക്കൈ പുഴയില്‍ രണ്ട് യുവാക്കള്‍ മുങ്ങി മരിച്ചു. മുരുകണി സ്വദേശികളായ വൈഷ്ണവ്, അജയ് കൃഷ്ണന്‍ എന്നിവരാണ് മരിച്ചത്. ഇരുവരും കൊച്ചിയിലെ സ്വകാര്യകമ്പനി ജീവനക്കാരാണ്. ഇരുവര്‍ക്കും 18 വയസ്സാണ് പ്രായം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വൈകീട്ട് 3.45ഓടെയാണ് അപകടമുണ്ടായത്. ഇരുവരും പുഴയില്‍ കുളിക്കാനിറങ്ങിയതാണ്. ആ സമയത്ത് പുഴയില്‍ വെള്ളം വളരെ കുറവായിരുന്നു. എന്നാല്‍ പുഴയിലെ കുഴിയുള്ള ഭാഗത്ത് ചെളി ഉണ്ടായിരുന്നു. ചെളിയില്‍ പുതഞ്ഞാണ് അപകടം ഉണ്ടായത്. അപകട വാര്‍ത്തയറിഞ്ഞ് ഫയര്‍ഫോഴ്സെത്തി രണ്ട് പേരെയും പുറത്തെടുത്തെങ്കിലും ജീവന്‍ നഷ്ടമായിരുന്നു. ഇരുവരുടേയും മൃതദേഹങ്ങള്‍ പാലക്കാട് ജില്ലാ ആശുപത്രിയിലേക്ക് മാറ്റി.