പെണ്‍കുട്ടികളെ പ്രാങ്ക് ചെയ്തു, മോശമായി പെരുമാറി യൂടൂബ് ചാനലുകാരെ പോലീസ് പിടിച്ചു, കൈയടിച്ച് സോഷ്യല്‍മീഡിയ

പെണ്‍കുട്ടികളെ പ്രാങ്ക് ചെയ്തു, മോശമായി പെരുമാറി യൂടൂബ് ചാനലുകാരെ പോലീസ് പിടിച്ചു, കൈയടിച്ച് സോഷ്യല്‍മീഡിയ

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തിരുവനന്തപുരം: പ്രാങ്കിന്റെ മറവില്‍ പെണ്‍കുട്ടികളോട് മോശമായി പെരുമാറിയ യുവാക്കളെ നെയ്യാറ്റിന്‍കര പൊലീസ് കസ്റ്റഡിയിലെടുത്തു. ആനാവൂര്‍ സ്വദേശിയായ മിഥുന്‍, പാലിയോട് സ്വദേശി കണ്ണന്‍ എന്നിവരാണ് പിടിയിലായത്. നെയ്യാറ്റിന്‍കര കോണ്‍വെന്റ് റോഡില്‍ വച്ചാണ് ഇവര്‍ പെണ്‍കുട്ടികളോട് മോശമായി പെരുമാറിയത്.

മുഖം മൂടി ധരിച്ചെത്തി സ്‌കൂള്‍ വിദ്യാര്‍ത്ഥിനികളെ സമ്മതം ഇല്ലാതെ സ്പര്‍ശിക്കുകയായിരുന്നു. നാട്ടുകാരാണ് സിസിടിവി ദൃശ്യങ്ങള്‍ അടക്കം ചേര്‍ത്ത് പോലീസില്‍ പരാതി നല്‍കിയത്. നെയ്യാറ്റിന്‍കര സ്‌കൂള്‍ പരിസരത്തിന് പുറമെ ഉണ്ടന്‍കോട്, ചെമ്പൂര്‍ പ്രദേശത്തും ഇവരുടെ ആക്രമണം നടന്നിരുന്നു.

യൂട്യൂബ് ചാനലിന് വേണ്ടിയാണ് ഇത്തരത്തില്‍ കുട്ടികളെ സമീപിച്ചത് എന്നാണ് ഇവര്‍ പോലീസിനോട് പറഞ്ഞത്.

പ്രാങ്ക് വീഡിയോയുടെ പേരില്‍ ഇവര്‍ വിദ്യാര്‍ഥിനികളോട് മോശമായി പെരുമാറിയെന്നും അനുവാദമില്ലാത്തെ കൈയില്‍കയറി പിടിച്ചെന്നുമാണ് പരാതി.

നാട്ടുകാരും പരാതിപ്പെട്ടതോടെ പൊലിസ് ഇവരെക്കുറിച്ച് അന്വേഷണം നടത്തിവരികയാണ്. പ്രാങ്കിന്റെ പേരില്‍ പെണ്‍കുട്ടികളോട് മോശമായി പെരുമാറിയ യൂട്യൂബര്‍മാരെ പിടികൂടിയതില്‍ സോഷ്യമീഡിയ വളരെ അനുകൂലമായാണ് പ്രതികരിച്ചത്.

News Tag Live യുട്യൂബ് ചാനല്‍ Subscribe ചെയ്യുക