പന്ത്രണ്ടാം ദിവസം ഇസ്രായേല്‍ – ഇറാന്‍ വെടിനിര്‍ത്തല്‍; ട്രംപിന്റെ പ്രഖ്യാപനം ഖത്തറിലെ യു.എസ് സൈനികകേന്ദ്രം ഇറാന്‍ ആക്രമിച്ചതിന് പിന്നാലെ | Israel – Iran ceasefire

വാഷിങ്ടണ്‍: ഇസ്രയേലും ഇറാനും പൂര്‍ണമായ വെടിനിര്‍ത്തലിലെത്തിയെന്ന് പ്രഖ്യാപിച്ച് യുഎസ് പ്രസിഡന്റ് ഡൊണാള്‍ഡ് ട്രംപ്. സാമൂഹികമാധ്യമമായ ട്രൂത്ത് സോഷ്യലിലൂടെയാണ് ട്രംപ് ഇക്കാര്യം പ്രഖ്യാപിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എല്ലാവര്‍ക്കും അഭിനന്ദനം, ഇസ്രയേലും ഇറാനും പൂര്‍ണമായ വെടിനിര്‍ത്തലിന് സമ്മതിച്ചതായും ഇരുരാജ്യങ്ങളും അവരുടെ അന്തിമദൗത്യങ്ങള്‍ പൂര്‍ത്തിയാക്കിയശേഷം ഏകദേശം ആറുമണിക്കൂറിനുള്ളില്‍ വെടിനിര്‍ത്തല്‍ തുടരുമെന്നും ഇറാനാകും ആദ്യം വെടിനിര്‍ത്തുകയെന്നുമാണ് ട്രംപ് അറിയിച്ചത്. 24 മണിക്കൂറിന് ശേഷം യുദ്ധം അവസാനിച്ചതായി ഔദ്യോഗികമായി കണക്കാക്കുമെന്നും ട്രംപ് അറിയിച്ചു.

സംഘര്‍ഷം അവസാനിപ്പിക്കുന്നതില്‍ ഇരുരാജ്യങ്ങളെയും അദ്ദേഹം പ്രശംസിക്കുകയുംചെയ്തു. അതേസമയം, ട്രംപിന്റെ പ്രഖ്യാപനത്തോട് ഇസ്രയേലോ ഇറാനോ ഇതുവരെ പ്രതികരിച്ചിട്ടില്ല.

US President Donald Trump declared that Israel and Iran have reached a ‘complete and total ceasefire’ agreement, effectively ending what he called the ’12-Day War.’

News Tag Live യുട്യൂബ് ചാനല്‍ Subscribe ചെയ്യുക