ബജറ്റ് സമ്മേളനം പുരോഗമിക്കവെ മൊബൈലിൽ പോൺ വിഡിയോ കണ്ട് ത്രിപുരയിലെ BJP MLA

അഗർത്തല: നിയമസഭാ സമ്മേളനത്തിനിടെ മൊബൈലിൽ അശ്ലീല വിഡിയോ കണ്ട് ത്രിപുരയിലെ ബിജെപി എംഎൽഎ. ബാഗബാസ മണ്ഡലം എംഎൽഎ ജാദവ് ലാൽ നാഥ് ആണ് സംസ്ഥാനത്തെ ബജറ്റുമായി ബന്ധപ്പെട്ട വിഷയം ചർച്ച ചെയ്യുന്നതിനിടെ അശ്ലീലവിഡിയോ കണ്ടത്. ഇതിന്റെ വിഡിയോ സമൂഹമാധ്യമങ്ങളിൽ പ്രചരിക്കുകയാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജാദവ് ലാലിന് പിന്നിലിരുന്നയാൾ ആണ് വിഡിയോ പകർത്തിയത്. മൊബൈലിലെ വിഡിയോ ക്ലിപ്പുകൾ സ്‌ക്രോൾ ചെയ്യുന്നതിനിടെ അശ്ലീല വിഡിയോ കാണുകയും അത് പ്ലേ ചെയ്യുന്നതും ദൃശ്യങ്ങളിൽ വ്യക്തമാണ്. സംഭവത്തിൽ ജാദവിനോട് ബിജെപി വിശദീകരണം ആവശ്യപ്പെട്ടിട്ടുണ്ട്. ഇക്കാര്യത്തിൽ എംഎൽഎ ഇതുവരെ പ്രതികരിച്ചിട്ടില്ല.

ഇതാദ്യമായല്ല ഒരു എംഎൽഎ നിയമസഭയ്ക്ക് അകത്തിരുന്ന് അശ്ലീല വിഡിയോ കാണുന്നത്. 2012ൽ കർണാടക നിയമസഭയിൽ ലക്ഷ്മൺ സാവദി, സി.സി. പാട്ടിൽ എന്നീ മന്ത്രിമാർ മൊബൈലിൽ അശ്ലീല വിഡിയോ കാണുകയും വിവാദമായതോടെ അവർ രാജിവയ്ക്കുകയും ചെയ്തിരുന്നു.
പിന്നീട് നിരപരാധിയെന്ന് തെളിഞ്ഞതോടെ വീണ്ടും അധികാരത്തിൽ എത്തുകയായിരുന്നു.

Assembly session was going on and BJP MLA Jadab Lal Nath was watching porn. During this someone made his video. The video has gone viral on social media as soon as it surfaced.
@Abhay12121 #Tripura pic.twitter.com/VxrlCAk3U5

— Shabana praveen (@Shabana62050289) March 30, 2023