പാലക്കാട്ട് 12കാരന്‍ ജീവനൊടുക്കി

പാലക്കാട്ട് 12കാരന്‍ ജീവനൊടുക്കി. പാലക്കാട് തച്ചമ്പാറ മുതുകുറിശി ഭഗവതിപ്പറമ്പില്‍ പ്രമോദിന്റെ മകന്‍ പ്രദോഷ് ആണ് മരിച്ചത്. വീട്ടിന്റെ തട്ടിന്‍ പുറത്ത് തൂങ്ങി മരിച്ച നിലയിലാണ് കണ്ടെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഈ വര്‍ഷം എട്ടാം ക്ലാസിലേക്ക് ജയിച്ച വിദ്യാര്‍ഥിയാണ് പ്രദോഷ്. ഇന്ന് രാവിലെയാണ് സംഭവമുണ്ടായത്. പ്രദോഷിന് രണ്ട് വയസ്സിന് മൂത്ത ഒരു സഹോദരന്‍ കൂടിയുണ്ട്. സഹോദരന്‍ ടിവിയില്‍ ഒരു പരിപാടി കണ്ടുകൊണ്ടിരിക്കുകയായിരുന്നു. ഈ സമയത്താണ് പ്രദോഷ് റിമോട്ട് ആവശ്യപ്പെട്ടെങ്കിലും സഹോദരന്‍ കൊടുത്തില്ല.

തുടര്‍ന്ന് പിണങ്ങിയ പ്രദോഷ് തട്ടിന്‍പുറത്ത് കയറി ഇരുന്നു. എന്നാല്‍ വീട്ടുകാര്‍ ഇക്കാര്യം കണക്കിലെടുത്തില്ല. പിന്നീട് പ്രദോഷിനെ കാണാതെ വന്നതോടെ ചെന്നുനോക്കുമ്പോഴാണ് തൂങ്ങിയ നിലയില്‍ കണ്ടെത്തിയത്.

ALSO READ: ഒമ്പതു മാറ്റി 13-ാം നമ്പര്‍ തിരഞ്ഞെടുത്ത് മന്ത്രി കെഎം ഷാജി