ഭൂട്ടാനില്‍ നിന്ന് കള്ളക്കടത്തിലൂടെ രാജ്യത്തെത്തിച്ചത് 192 ആഡംബര വാഹനങ്ങള്‍; കേരളത്തില്‍ എത്തിച്ച ഇരുപതോളം വാഹനങ്ങള്‍ പിടിച്ചെടുത്തു

നികുതി വെട്ടിച്ച് ഭൂട്ടാനില്‍ നിന്ന് ഇന്ത്യയിലേക്ക് 198 ആഡംബര വാഹനങ്ങള്‍ കടത്തിയിട്ടുണ്ടെന്ന് കസ്റ്റംസ്. പരിശോധന തുടരുന്നതിനിടെ സംസ്ഥാനത്ത് നിന്ന് 36 എസ്‌യുവി വാഹനങ്ങള്‍ കസ്റ്റംസ് കസ്റ്റഡിയിലെടുത്തു. പിടിച്ചെടുത്തവയില്‍ നടന്‍ ദുല്‍ഖര്‍ സല്‍മാന്റെ വാഹനവും ഉണ്ടെന്നാണ് റിപോര്‍ട്ടുകള്‍.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കോഴിക്കോട്, മലപ്പുറം ജില്ലകളില്‍ നിന്നു മാത്രമായി 11 വാഹനങ്ങളാണ് പിടിച്ചെടുത്തത്. കസ്റ്റഡിയിലെടുത്ത വാഹനങ്ങള്‍ കരിപ്പൂര്‍ എയര്‍പോര്‍ട്ടിലെ കസ്റ്റംസ് ഓഫിസിലേക്ക് എത്തിക്കും. കോഴിക്കോട്, മലപ്പുറം, കോട്ടയം, എറണാകുളം ജില്ലകളിലായി ഏഴിടത്താണ് പരിശോധന നടത്തിയത്. യുവ താരങ്ങളായ ദുല്‍ഖര്‍ സല്‍മാന്റെയും പൃഥ്വിരാജിന്റെയും വസതികളും റെയ്ഡ് നടന്നവയില്‍ ഉള്‍പ്പെടുന്നു. യൂസ്ഡ് കാര്‍ ഷോറൂമുകളിലും റെയ്ഡ് നടന്നു.

അതേസമയം, കേന്ദ്ര സര്‍ക്കാരിലെ ഉന്നത ഉദ്യോഗസ്ഥരും വാഹനം വാങ്ങിയെന്ന വിവരവും കസ്റ്റംസിന് ലഭിച്ചിട്ടുണ്ട്. നാഷണല്‍ ടിബി ഇന്‍സ്റ്റിറ്റ്യൂട്ട് ഡയറക്ടര്‍, സെന്‍ട്രല്‍ സില്‍ക്ക് ബോര്‍ഡ് മെംബര്‍ സെക്രട്ടറി എന്നിവരാണ് വാഹനം വാങ്ങിയത്. രണ്ടു വാഹനങ്ങളും ബെംഗളൂരുവിലാണ് നിലവിലുള്ളത്.

ALSO READ: സൗദി ഗ്രാന്‍ഡ് മുഫ്തി ശൈഖ് അബ്ദുല്‍ അസീസ് അലുശൈഖ് അന്തരിച്ചു