യുവതിയെ കൊന്നു കുഴിച്ചുമൂടിയെന്ന് രഹസ്യവിവരം; നാലുപേർ കസ്റ്റഡിയിൽ

ആലപ്പുഴ മാന്നാറിൽ 20കാരിയെ 15 വർഷം മുമ്പ് കൊന്ന് കുഴിച്ചുമൂടിയെന്ന് വിവരം. കല എന്ന 20കാരിയാണ് കൊല്ലപ്പെട്ടത്. രഹസ്യവിവരത്തിന്റെ അടിസ്ഥാനത്തിൽ പോലീസ് നാലുപേരെ കസ്റ്റഡിയിലെടുത്തു. കൊല്ലപ്പെട്ട യുവതിയുടെ ഭർത്താവിന്റെ കൂട്ടുകാരെയാണ് പിടികൂടിയതെന്നാണ് വിവരം. യുവതിയെ കാണാതായെന്ന വിവരം പോലും പോലീസിന് മുമ്പ് ലഭിച്ചിരുന്നില്ല.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

കലയെ കൊന്നു കു​ഴി​ച്ചി​ട്ടെ​ന്ന് ക​രു​തു​ന്ന സ്ഥ​ല​ത്ത് പോലീസ് കുഴിച്ചുപ​രി​ശോ​ധ​ന ന​ട​ത്തും. യുവതിയെ കാ​ണാ​താ​യി​ട്ടു​ണ്ടെ​ന്നും കൊന്ന് കു​ഴി​ച്ച് മൂ​ടി​യെന്നുമുള്ള രഹസ്യവിവരം ര​ണ്ട് മാ​സം മു​മ്പാ​ണ് പോ​ലീ​സി​ന് ല​ഭി​ച്ച​ത്.

ഇ​തി​ന് പി​ന്നാ​ലെ പോലീസ് രഹസ്യമായി ന​ട​ത്തി​യ അ​ന്വേ​ഷ​ണ​ത്തി​ലാ​ണ് നാ​ല് പേ​രെ ക​സ്റ്റ​ഡി​യി​ലെ​ടു​ത്ത​ത്. ഇ​വ​രെ ചോ​ദ്യം ചെ​യ്ത​പ്പോഴാണ് കൊലപാതകത്തിൽ സ്ഥിരീകരണമുണ്ടായത്. ഇവരുടെ വെളിപ്പെടുത്തലുകളുടെ അടിസ്ഥാനത്തിലാണ് അന്വേഷണം പുരോ​ഗമിക്കുന്നത്.

പുതിയ വീടിനോടു ചേർന്ന് സ്ഥിതിചെയ്യുന്ന പഴയ കുളിമുറി

കല താമസിച്ചിരുന്ന മാന്നാര്‍ ഇരമത്തൂരിലെ വീട്ടിലെ സെപ്റ്റിക് ടാങ്ക് ആണ് തുറന്ന് പരിശോധിക്കുന്നത്. നിലവില്‍ ഇവിടെ ഒരു പുതിയ വീട് പണിതെങ്കിലും ഇതിനോടു ചേർന്ന് പഴയ കുളിമുറിയും സെപ്റ്റിക് ടാങ്കും അതേപോലെ നിലനിർത്തിയിരിക്കുകയാണ്. യുവതിയെ ഈ സെപ്റ്റിങ് ടാങ്കിലാണ് കൊന്നിട്ടിരിക്കുന്നതെന്നാണ് സംശയം.

News Tag Live യുട്യൂബ് ചാനല്‍ Subscribe ചെയ്യുക