ലിഫ്റ്റ് നൽകി 92കാരിയെ ബലാൽസം​ഗം ചെയ്തു

ലിഫ്റ്റ് വാ​ഗ്ദാനം ചെയ്തശേഷം 92കാരിയെ ബലാൽസം​ഗം ചെയ്തു. മധ്യപ്രദേശിലെ ഷാദോൾ ജില്ലയിലാണ് സംഭവം. വൃദ്ധയെ ബലാൽസം​ഗം ചെയ്ത ഭ​ഗവന്ത കോൾ എന്ന സോനുവിനെ(42)പൊലീസ് അറസ്റ്റ് ചെയ്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ജബൽപൂരിൽ നിന്ന് ഷാദോളിലെ ബന്ധുവീട്ടിലേക്കു പോവുമ്പോഴാണ് പ്രതി വൃദ്ധയെ ബലാൽസം​ഗത്തിനിരയാക്കിയത്. ബൈക്കിലെത്തിയ പ്രതി വൃദ്ധയ്ക്ക് ലിഫ്റ്റ് വാ​ഗ്ദാനം ചെയ്യുകയായിരുന്നു. വൃദ്ധ ബൈക്കിൽ കയറിയതോടെ വനമേഖലയിലേക്ക് കൊണ്ടുപോവുകയും ബലാൽസം​ഗശേഷം പ്രതികടന്നുകളയുകയുമായിരുന്നു. ഒരു വിധേന ബന്ധുവീട്ടിലെത്തിയ വൃദ്ധ വിവരം അറിയിക്കുകയും പൊലീസിൽ സമീപിക്കുകയുമായിരുന്നു.

വ്യാഴാഴ്ച രാത്രി ഷാദോളിലെത്തിയ വൃദ്ധ രാത്രി റെയിൽവേ സ്റ്റേഷനിൽ തങ്ങുകയും ഇവിടെ നിന്ന് ഓട്ടോ വിളിച്ച് അന്താര ​ഗ്രാമത്തിലെത്തി ബസ് കാത്തുനിൽക്കുകയുമായിരുന്നു. ഈ സമയമാണ് പ്രതി ബൈക്കിലെത്തി വൃദ്ധയ്ക്ക് ലിഫ്റ്റ് വാ​ഗ്ദാനം ചെയ്തത്.