SBI Debit Card കയ്യിൽ ഉണ്ടോ? വാർഷിക ചാർജുകൾ കൂടുതൽ നൽകേണ്ടി വരും, അറിയാം പുതിയ നിരക്കുകൾ

SBI Debit Card കയ്യിൽ ഉണ്ടോ? വാർഷിക ചാർജുകൾ കൂടുതൽ നൽകേണ്ടി വരും, അറിയാം പുതിയ നിരക്കുകൾ

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

രാജ്യത്തെ ഏറ്റവും വലിയ വാണിജ്യ ബാങ്കിങ് സ്ഥാപനമായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), ഡെബിറ്റ് കാർഡുകളുമായി (SBI Debit Card holders) ബന്ധപ്പെട്ട വാർഷിക നിരക്കുകൾ പരിഷ്കരിക്കുന്നു. പുതിയ സാമ്പത്തിക വർഷം (2024-25) മുതൽ ഡെബിറ്റ് കാർഡുകളുടെ ആന്വൽ മെയിന്റനൻസ് ചാർജ് ആണ് എസ്ബിഐ പുതുക്കി നിശ്ചയിക്കുന്നത്. 2024 ഏപ്രിൽ മാസം വാർഷിക നിരക്കുകൾ പരിഷ്കരിക്കുന്ന ഡെബിറ്റ് കാർഡുകളുടെ വിശദാംശം നോക്കാം.

ക്ലാസിക് ഡെബിറ്റ് കാർഡുകൾ

ക്ലാസിക്, സിൽവർ, ഗ്ലോബൽ, കോൺടാക്റ്റ്‌ലെസ് ഡെബിറ്റ് കാർഡുകൾ ഉൾപ്പെടെയുള്ള കാർഡുകളുടെ വാർഷിക ചാർജുകൾ നിലവിലുള്ള 125 രൂപയിൽ നിന്ന് എസ്ബിഐ 200 രൂപയാക്കി ഉയർത്തി.

യുവയും മറ്റ് കാർഡുകളും

യുവ, ഗോൾഡ്, കോംബോ ഡെബിറ്റ് കാർഡ്, മൈ കാർഡ് (ഇമേജ് കാർഡ്) തുടങ്ങിയ ഡെബിറ്റ് കാർഡുകൾക്ക് വാർഷിക ചാർജ് നിലവിലുള്ള 175 രൂപയിൽ നിന്ന് 250 രൂപയാക്കി ഉയർത്തി.

പ്ലാറ്റിനം ഡെബിറ്റ് കാർഡ്

എസ്ബിഐ പ്ലാറ്റിനം ഡെബിറ്റ് കാർഡിന് വാർഷിക ചാർജ് നിലവിലുള്ള 250 രൂപയിൽ നിന്ന് 325 രൂപയാക്കി ഉയർത്തി.

പ്രീമിയം ബിസിനസ് ഡെബിറ്റ് കാർഡ്

പ്രൈഡ് പ്രീമിയം ബിസിനസ് ഡെബിറ്റ് കാർഡ് പോലുള്ള എസ്ബിഐ ഡെബിറ്റ് കാർഡുകൾക്ക് വാർഷിക മെയിൻ്റനൻസ് ചാർജുകൾ നിലവിലുള്ള 350 രൂപയിൽ നിന്ന് 425 രൂപയായി വർധിപ്പിച്ചു.

മറ്റൊരു പ്രധാനകാര്യം ഇവയ്‌ക്കെല്ലാം 18% ജിഎസ്ടി ബാധകമാണ്.

ക്രെഡിറ്റ് കാർഡുകൾ (SBI credit card)

എസ്ബിഐ കാർഡ് അതിൻ്റെ ക്രെഡിറ്റ് കാർഡുകളിലും ചില മാറ്റങ്ങൾ വരുത്തിയിട്ടുണ്ട്. 2024 ഏപ്രിൽ 1 മുതൽ ചില ക്രെഡിറ്റ് കാർഡുകൾ ഉപയോഗിച്ച് വാടക നൽകുന്നതിലൂടെ ലഭിക്കുന്ന റിവാർഡ് പോയിൻ്റുകളുടെ ശേഖരണം താൽക്കാലികമായി നിർത്തിവയ്ക്കുമെന്ന് അറിയിച്ചിരുന്നു. വാടക പേയ്‌മെൻ്റ് ഇടപാടുകളിലെ റിവാർഡ് പോയിൻ്റുകളുടെ ശേഖരണം 2024 ഏപ്രിൽ 15-ന് അവസാനിക്കും.

SBI hikes annual maintenance charges related to these debit cards from April 1, 2024: Check details