ഗുദൈബിയ കൂട്ടം സ്വാതന്ത്ര്യ ദിന സംഗമം

മനാമ: ബഹ്റൈനിലെ ഗുദൈബിയ നിവാസികളായ മലയാളികള്‍ ഗുദൈബിയ കൂട്ടത്തിന്റെ നേതൃത്വത്തില്‍ ഇന്ത്യയുടെ എഴുപത്തി എട്ടാമത് സ്വാതന്ത്രദിനം ആന്തലസ്സ് ഗാര്‍ഡനില്‍ വച്ച് സമുചിതമായി ആഘോഷിക്കുകയും പായസം വിതരണം നടത്തുകയും ചെയ്തു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സാമൂഹിക പ്രവര്‍ത്തകന്‍ കെ.ടി സലിം സ്വാതന്ത്ര്യദിന സന്ദേശവും ആശംസയും അറിയിച്ചു. രാജ്യത്തിനുവേണ്ടി രക്തസാക്ഷികളായവരുടെ ശ്രമഫലങ്ങള്‍ നമുക്ക് പാഠവും മാതൃകയുമാണെന്ന് അദ്ദേഹം പറഞ്ഞു.

തന്‍സീര്‍ സ്വാഗതം പറഞ്ഞ യോഗത്തില്‍ സുബീഷ് നിട്ടൂര്‍ അധ്യക്ഷത വഹിച്ചു. ഇ.വി രാജീവ് ,അന്‍വര്‍ നിലമ്പൂര്‍ , റിയാസ് വടകര എന്നിവര്‍ ആശംസകള്‍ അറിയിച്ചു സംസാരിച്ചു.

ശില്പ സിജു ദേശഭക്തിഗാനം ആലപിച്ചു. ഗോപിനാഥ്, ജിഷാര്‍ കടവല്ലൂര്‍, രേഷ്മ മോഹനന്‍, ശ്രുതി സുനില്‍, ബിജു വര്‍ഗീസ്, അരുണ്‍ ചന്ദ്രന്‍, ഇല്യാസ് വള്ളുവനാട് എന്നിവര്‍ പങ്കെടുത്തു. അനുപ്രിയനന്ദിപറഞ്ഞു.