ഒരുവര്‍ഷം കോടി രൂപ വരെ ശമ്പളം: ബ്രിട്ടണില്‍ സ്‌പെഷ്യാലിറ്റി ഡോക്ടര്‍മാരെ വേണം, നോര്‍ക്ക വഴി നിയമനം

യുണൈറ്റഡ് കിംങ്ഡം (യു.കെ) വെയില്‍സില്‍ (NHS) വിവിധ സ്‌പെഷ്യാലിറ്റികളില്‍ ഡോക്ടര്‍മാര്‍ക്ക് അവസരങ്ങളുമായി നോര്‍ക്ക റൂട്ട്‌സ് റിക്രൂട്ട്‌മെന്റ് 2024 നവംബര്‍ 07 മുതല്‍ 14 വരെ തീയതികളില്‍ എറണാകുളത്ത് നടക്കും (PLAB ആവശ്യമില്ല). സീനിയര്‍ ക്ലിനിക്കല്‍ ഫെല്ലോസ് (ശമ്പളം: £43,821  £68,330) എമര്‍ജന്‍സി മെഡിസിന്‍, അക്യൂട്ട് മെഡിസിന്‍, ഓങ്കോളജി ഡിപ്പാര്‍ട്ട്‌മെന്റിലേയ്ക്കും സ്‌പെഷ്യാലിറ്റി ഡോക്ടര്‍മാര്‍ (ശമ്പളം: £59,727  £95,400) ഓങ്കോളജി, ഗ്യാസ്‌ട്രോഎന്ററോളജി/ഹെപ്പറ്റോളജി (ന്യൂറോഎന്‍ഡോക്രൈന്‍ ട്യൂമര്‍) ഇന്റര്‍നാഷണല്‍ സീനിയര്‍ പോര്‍ട്ട്‌ഫോളിയോ പാത്ത് വേ ഡോക്ടര്‍മാര്‍ (ശമ്പളം: £96,990  £107,155) കാര്‍ഡിയോളജി, എമര്‍ജന്‍സി മെഡിസിന്‍, റേഡിയോളജി, ഡയബറ്റിസ്, പാത്തോളജി, യൂറോളജി, ഹെമറ്റോളജി എന്നീ സ്‌പെഷ്യാലിറ്റികളിലാണ് അവസരം. ഉദ്യോഗാര്‍ത്ഥികള്‍ വിശദമായ സി.വി യോഗ്യതാ സര്‍ട്ടിഫിക്കറ്റുകള്‍, പാസ്‌പോര്‍ട്ടിന്റെ പകര്‍പ്പ് എന്നിവ സഹിതം   www.nifl.norkaroots.org  വെബ്‌സൈറ്റ് സന്ദര്‍ശിച്ച് നവംബര്‍ 23  ന് അകം അപേക്ഷ നല്‍കേണ്ടതാണ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സീനിയര്‍ ക്ലിനിക്കല്‍ ഫെലോസ് തസ്തികയിലേയ്ക്ക് കുറഞ്ഞത് മൂന്നു വര്‍ഷവും, സ്‌പെഷ്യാലിറ്റി ഡോക്ടര്‍മാര്‍ക്ക് നാലു വര്‍ഷത്തേയും , സീനിയര്‍ പോര്‍ട്ട്‌ഫോളിയോ പാത്ത് വേ തസ്തികയില്‍ 12 വര്‍ഷത്തേയും പ്രവൃത്തിപരിചയം ആവശ്യമാണ്. ശമ്പളത്തിനു പുറമേ GMC രജിസ്‌ട്രേഷന്‍ സ്‌പോണ്‍സര്‍ഷിപ്പ് ഉള്‍പ്പെടെ മറ്റ് ആനുകൂല്യങ്ങള്‍ക്കും അര്‍ഹതയുണ്ടാകും.  വിശദവിവരങ്ങള്‍ക്ക് 04712770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്‍) 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +918802 012 345 (വിദേശത്തുനിന്നും, മിസ്ഡ് കോള്‍ സര്‍വീസ്)  ബന്ധപ്പെടാവുന്നതാണ്.

NORKA Recruitment for Various Specialty Doctors in UK Wales