പഠനം പൂര്‍ത്തിയാക്കി യുകെയില്‍ നിന്നു തിരികെവന്ന മലയാളി യുവാവ് ദുബൈയില്‍ ജോലി ലഭിച്ച ദിവസം ഹൃദയാഘാതം മൂലം മരിച്ചു

യുകെയില്‍ നിന്നും എന്‍ജിനീയറിങ് പഠനം പൂര്‍ത്തിയാക്കി തിരിച്ചെത്തിയ മലയാളി യുവാവ് ദുബൈയിലെ കമ്പനിയില്‍ ജോലി ലഭിച്ച ദിവസം ഹൃദയാഘാതം മൂലം മരിച്ചു. തിരുവനന്തപുരം പള്ളിനട കഴക്കൂട്ടം സ്വദേശിയും പ്രവാസി വെല്‍ഫെയര്‍ തിരുവനന്തപുരം ജില്ലാ പ്രവര്‍ത്തകനുമായ നജീബ് ഹനീഫ-ഷഫീന നജീബ് ദമ്പതികളുടെ മകന്‍ റഈസ് നജീബ് (21) ആണ് മരിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇന്ന് രാവിലെയാണ് റഈസിന് ദുബൈയിലെ കമ്പനിയില്‍ നിന്നും ജോലിയില്‍ പ്രവേശിക്കാനുള്ള ഓഫര്‍ ലെറ്റര്‍ ലഭിച്ചത്. റഈസിന്റെ നിര്യാണത്തില്‍ പ്രവാസി വെല്‍ഫെയര്‍ അനുശോചിച്ചു. പ്രവാസി വെല്‍ഫെയര്‍ റീപാട്രിയേഷന്‍ വിഭാഗത്തിന്റെ നേതൃത്വത്തില്‍ മൃതദേഹം നാട്ടിലെത്തിക്കാനുള്ള ശ്രമങ്ങള്‍ നടക്കുന്നുണ്ട്. സഹോദരങ്ങള്‍: ഫാഹിസ് നജീബ്, റൗദ നജീബ്.

News Tag Live യുട്യൂബ് ചാനല്‍ Subscribe ചെയ്യുക