താമരശ്ശേരി ചുരത്തില്‍ ഇന്ന് ഗതാഗത നിയന്ത്രണം

കോഴിക്കോട്: താമരശ്ശേരി ചുരത്തില്‍ ഇന്ന് പകല്‍ ഗതാഗത നിയന്ത്രണമേര്‍പ്പെടുത്തുമെന്ന് അധികൃതര്‍. ആറാംവളവില്‍ നവീകരണ പ്രവര്‍ത്തനങ്ങള്‍ക്കിടെ താഴ്ചയിലേക്കു മറിഞ്ഞ എസ്‌കവേറ്റര്‍ ഉയര്‍ത്തിയെടുക്കുന്നതിന്റെ ഭാഗമായാണ് തനിയന്ത്രണം. രാവിലെ പത്തിനും വൈകീട്ട് അഞ്ചിനുമിട യിലുള്ള സമയത്തായിരിക്കും പ്രവൃത്തി നടക്കുക.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സംരക്ഷണഭിത്തിയുടെ നിര്‍മ്മാണ പ്രവൃത്തിക്കിടയിലാണ് തിങ്കളാഴ്ച ഉച്ചയ്ക്ക് എസ്‌കവേറ്റര്‍ നിയന്ത്രണംവിട്ട് താഴ്ചയിലേക്കു പതിച്ചത്. ഭാരവാഹനങ്ങള്‍ക്കും മള്‍ട്ടി ആക്‌സില്‍ വാഹനങ്ങള്‍ക്കും ചുരത്തില്‍ പൂര്‍ണനിയന്ത്രണവും മറ്റു വാഹനങ്ങള്‍ക്ക് ഭാഗികനിയന്ത്രണവും ഏര്‍പ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എന്‍ജിനിയര്‍ അറിയിച്ചു.

ഒന്‍പതാംവളവില്‍ പുതിയ കൈവരിയൊരുക്കുന്നതിന്റെ തുടര്‍പ്രവൃത്തിയും ഇന്ന് നടക്കും. വ്യൂ പോയിന്റില്‍ പാറയിടിഞ്ഞ ഭാഗത്ത് ഗാബിയോണ്‍ നെറ്റ് ഇടുന്ന പ്രവൃത്തിയാണ് നടക്കുക.