26
Aug 2026
Wed
മണ്ഡ്യ: നാലു പതിറ്റാണ്ടിലേറെയായി കര്ണാടകയിലെ മണ്ഡ്യയിലെ തെരുവോരങ്ങളില് കൈനീട്ടി നടന്ന നൂറുന്നീസയെന്ന വൃദ്ധയുടെ വിയോഗം നാടിനെ അറിയിച്ചത് ഒരു വലിയ രഹസ്യത്തിന്റെ ചുരുളഴിച്ചുകൊണ്ടാണ്. വര്ഷങ്ങളായി പൂട്ടിയിട്ടിരുന്ന അവരുടെ ചെറിയ വാടകമുറിയിലെ ഇരുട്ടില് ഒളിഞ്ഞിരുന്നത് കേവലം ഓര്മ്മകള് മാത്രമായിരുന്നില്ല, കഠിനമായ തെരുവുജീവിതത്തിനിടയില് അവര് മാറ്റിവെച്ച 8.40 ലക്ഷം രൂപയുടെ സമ്പാദ്യമായിരുന്നു!
 |
|
വാടകവീട്ടില് ഒറ്റയ്ക്ക് താമസിച്ചിരുന്ന നൂറുന്നീസയെ ദിവസങ്ങളായി പുറത്തുകാണാതായതോടെ അയല്വാസികള് തിരക്കിയെത്തിയപ്പോഴാണ് അവര് ലോകത്തോടു വിടപറഞ്ഞ വിവരം അറിയുന്നത്. വിവരമറിഞ്ഞെത്തിയ ബന്ധുക്കള് വീട് വൃത്തിയാക്കുന്നതിനിടയിലാണ് വര്ഷങ്ങളായി പൂട്ടിക്കിടന്നിരുന്ന ആ രഹസ്യമുറി തുറക്കുന്നത്. മുറിക്കുള്ളില് പഴയ നാണയങ്ങളും നോട്ടുകെട്ടുകളും കുത്തിനിറച്ച പത്തോളം ചാക്കുകളാണ് അവരെ കാത്തിരുന്നത്.
തുടക്കത്തില് ഒരു കോടിയോളം രൂപയുണ്ടെന്ന തരത്തില് സോഷ്യല് മീഡിയയില് പ്രചാരണങ്ങള് ഉയര്ന്നുവെങ്കിലും, പ്രാദേശിക പള്ളിക്കമ്മിറ്റിയുടെ നേതൃത്വത്തില് രണ്ട് ദിവസമെടുത്തു നടത്തിയ എണ്ണലിലാണ് തുക 8.40 ലക്ഷമാണെന്ന് സ്ഥിരീകരിച്ചത്. ബന്ധുക്കളുടെ സാന്നിധ്യത്തില് എണ്ണിത്തീര്ത്ത ഈ തുക മുഴുവന് അവരുടെ കുടുംബത്തിന് തന്നെ പള്ളിക്കമ്മിറ്റി കൈമാറി. പട്ടിണിയും പ്രയാസങ്ങളും അനുഭവിക്കുന്ന മറ്റു നിര്ധനരായ ബന്ധുക്കള്ക്കിടയില് ഈ തുക വീതിച്ചുനല്കാനാണ് കുടുംബത്തിന്റെ തീരുമാനം.
നൂറുന്നീസയ്ക്ക് വര്ഷങ്ങളായി മാനസിക പ്രയാസങ്ങള് ഉണ്ടായിരുന്നുവെന്നും തെരുവിലെ ജീവിതം അവസാനിപ്പിച്ച് തങ്ങളോടൊപ്പം പോരാന് പലതവണ ആവശ്യപ്പെട്ടെങ്കിലും അവര് വഴങ്ങിയിരുന്നില്ലെന്നും അനന്തരവന് ഫൈറോസ് അഹമ്മദ് ഓര്ക്കുന്നു. ആ മുറിക്കുള്ളിലേക്ക് ആരെയും കടത്തിവിടാതിരുന്ന നൂറുന്നീസ, ഒടുവില് താന് ഇത്രയും കാലം കാത്തുവെച്ച സമ്പാദ്യം പ്രിയപ്പെട്ടവര്ക്കായി ബാക്കിവെച്ചാണ് യാത്രയായത്.
Tags: Mandya news, Karnataka news Malayalam, Beggar money found Mandya, Noorunnisa Mandya, Human interest story Malayalam, National news Malayalam, Crime news Malayalam
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026