24
Sep 2026
Thu
ബീഹാറിലെ ജാമുയിയില് ക്യാമറയ്ക്ക് മുന്നില് പെണ്കുട്ടി ലൈംഗികമായി അധിക്ഷേപിക്കപ്പെട്ട സംഭവത്തിന് പിന്നാലെ, 131 കിലോമീറ്റര് അകലെയുള്ള സമസ്തീപ്പൂരിലും സമാനമായ സംഭവം. സമസ്തിപ്പൂരില് ബൈക്കിലെത്തിയ ഒരു സംഘം യുവാക്കള് ഗ്രാമീണ റോഡിലൂടെ യാത്ര ചെയ്യുകയായിരുന്ന പെണ്കുട്ടിയെയും ഒപ്പമുണ്ടായിരുന്ന ആണ്കുട്ടിയെയും വളഞ്ഞു. തുടര്ന്ന് സംഘം പെണ്കുട്ടിയെ ചീത്തവിളിക്കുകയും റോഡിലിട്ട് തള്ളിമാറ്റുകയും ഉപദ്രവിക്കുകയും ചെയ്യുകയായിരുന്നു.
 |
|
പ്രധാന വിവരങ്ങൾ (Key Highlights)
- ബീഹാറിലെ ജാമുയി പീഡന സംഭവത്തിന് തൊട്ടുപിന്നാലെ സമസ്തീപ്പൂരിലും സമാനമായ രീതിയിൽ പെൺകുട്ടിക്ക് നേരെ ലൈംഗിക അതിക്രമം.
- ഗ്രാമത്തിലെ റോഡിൽ പെൺകുട്ടിയെയും സുഹൃത്തിനെയും തടഞ്ഞുനിർത്തി ഒരു സംഘം യുവാക്കൾ തെറിവിളിക്കുകയും ഉപദ്രവിക്കുകയും ചെയ്തു.
- വീഡിയോ സോഷ്യൽ മീഡിയയിൽ പ്രചരിച്ചതോടെ സ്വമേധയാ കേസ് രജിസ്റ്റർ ചെയ്ത പൊലീസ് നാല് പ്രതികളെ അറസ്റ്റ് ചെയ്തു.
- ഏതാനും ദിവസങ്ങൾക്ക് മുൻപ് ജാമുയിയിൽ പത്താം ക്ലാസ് വിദ്യാർത്ഥിനിക്ക് നേരെ അതിക്രമം നടത്തിയ സംഭവത്തിൽ മൂന്ന് പേർ പിടിയിലായിരുന്നു.
സംഭവത്തില് നാല് പ്രതികളെ അറസ്റ്റ് ചെയ്തതായി മുതിര്ന്ന പൊലീസ് ഉദ്യോഗസ്ഥന് വ്യക്തമാക്കി. ബുധനാഴ്ചയാണ് ദൃശ്യങ്ങള് പുറത്തുവന്നത്. സമസ്തീപ്പൂരിലെ ജഗത്സിംഗ്പൂര് ഗ്രാമത്തിലാണ് സംഭവം നടന്നതെന്നാണ് റിപ്പോര്ട്ട്.
പ്രാദേശിക റിപ്പോര്ട്ടുകള് പ്രകാരം, ഫോട്ടോ എടുക്കുന്നതിനായി പെണ്കുട്ടിയും ആണ്കുട്ടിയും വഴിയില് നിര്ത്തിയതായിരുന്നു. ആ സമയത്ത് അവിടെയെത്തിയ പ്രദേശത്തെ യുവാക്കള് ഇവരെ വളഞ്ഞു. അവര് പെണ്കുട്ടിയെ അധിക്ഷേപിക്കുകയും ലൈംഗികമായി പീഡിപ്പിക്കുകയും ചെയ്തു. വൈറലായ വീഡിയോയിലുള്ള യുവാക്കള് ജഗത്സിംഗ്പൂര് ഗ്രാമത്തില് നിന്നുള്ളവര് തന്നെയാണെന്ന് നാട്ടുകാര് പറഞ്ഞു.
ദിവസങ്ങള്ക്ക് മുന്പാണ് ബീഹാറിലെ ജാമുയിയില് പത്താം ക്ലാസ് വിദ്യാര്ത്ഥികളായ പെണ്കുട്ടിയെയും ആണ്കുട്ടിയെയും ഉപദ്രവിക്കുന്ന വീഡിയോ പുറത്തുവന്നതിനെ തുടര്ന്ന് മൂന്ന് പേര് അറസ്റ്റിലായത്. അസ്വസ്ഥജനകമായ വീഡിയോ ക്ലിപ്പില് ഉള്പ്പെട്ടവര്ക്കെതിരെ നടപടി സ്വീകരിക്കണമെന്ന് ആവശ്യപ്പെട്ട് സോഷ്യല് മീഡിയയില് നിരവധിയാളുകള് ബീഹാര് പൊലീസിനെ ടാഗ് ചെയ്തിരുന്നു.
ആണ്കുട്ടിയുടെ ഷര്ട്ടിന്റെ കോളറില് പിടിച്ച് പെണ്കുട്ടിയില് നിന്ന് വലിച്ച് മാറ്റുന്നത് ഉള്പ്പെടെയുള്ള ദൃശ്യങ്ങള് ആ വീഡിയോയിലുണ്ടായിരുന്നു. പെണ്കുട്ടി ഓടി രക്ഷപ്പെടാന് ശ്രമിച്ചപ്പോള് മുഖംമൂടി ധരിച്ചയാള് പിന്നില് നിന്ന് പിടി കൂടുകയായിരുന്നു. ശനിയാഴ്ച വൈകുന്നേരം കോച്ചിംഗ് ക്ലാസുകളില് പങ്കെടുത്ത ശേഷം സ്കൂട്ടറില് പുറത്തിറങ്ങിയതായിരുന്നു ഇരുവരും.
Tags: Bihar Crime, Samastipur Harassment Video, Jamui Incident, Sexual Assault, Bihar Police, Jagatsinghpur Samastipur, Viral Video Bihar, Crime News in Malayalam
News Tag Live യുട്യൂബ് ചാനല് Subscribe ചെയ്യുക
Latest News
Trending
More Stories
All Rights Reserved © 2026