ഭാവനയും ജീവിതാനുഭവങ്ങളും ചേർന്നാണ് മികച്ച സാഹിത്യസൃഷ്ടികളുണ്ടാകുന്നത്; ഷാർജ പുസ്തകമേളയിൽ ചർച്ച

എഴുത്തുകാർ തങ്ങൾ അവതരിപ്പിക്കുന്ന വികാരങ്ങൾ നേരിട്ട് അനുഭവിച്ചിരിക്കണമോ, അതോ ഭാവനയിലൂടെ വിശ്വസനീയമായ കഥാലോകങ്ങൾ സൃഷ്ടിക്കാനാകുമോ? 45-ാമത് ഷാർജ അന്താരാഷ്ട്ര പുസ്തകമേളയിൽ നടന്ന ചർച്ചയിൽ സാഹിത്യപണ്ഡിതരായ ഡോ. അസ്മാ അലാഅദ്ദീനും ഡോ. ദലാൽ അൽ ബറൂദും ഈ വിഷയം വിശകലനം ചെയ്തു. യുസഫ് അൽ നുഐമിയാണ് ചർച്ച നയിച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സാഹിത്യം മനുഷ്യവികാരങ്ങളുടെ പ്രതിഫലനമാണെന്നും എഴുത്തുകാർ ജീവിതാനുഭവങ്ങളെയും നിരീക്ഷണങ്ങളെയും ഭാവനയിലൂടെ കഥകളാക്കി മാറ്റുകയാണെന്നും ഡോ. ദലാൽ അൽ ബറൂദ് പറഞ്ഞു. സർഗാത്മകതയ്ക്ക് വേദന മാത്രമല്ല ഉറവിടമെന്നും നിരീക്ഷണം, സഹാനുഭൂതി, ഭാവന എന്നിവയ്ക്കും തുല്യപ്രാധാന്യമുണ്ടെന്നും അവർ ചൂണ്ടിക്കാട്ടി.

ഓരോ എഴുത്തുകാരനും തനതായ ആഖ്യാനശൈലിയും വ്യക്തിത്വവുമുണ്ടെന്ന് ഡോ. അസ്മാ അലാഅദ്ദീൻ അഭിപ്രായപ്പെട്ടു. എഴുത്തുകാരന്റെ വ്യക്തിത്വത്തിൽനിന്ന് വ്യത്യസ്തമായ സ്വതന്ത്ര സ്വഭാവം കഥാപാത്രങ്ങൾക്കുണ്ടാകണമെന്നും അവർ പറഞ്ഞു. ഭാവന യാഥാർഥ്യത്തിൽനിന്നുള്ള ഒളിച്ചോട്ടമല്ല, മറിച്ച് ലോകത്തോടുള്ള സർഗാത്മകമായ പ്രതികരണമാണെന്നും ചർച്ചയിൽ വിലയിരുത്തി.

News Tag Live യുട്യൂബ് ചാനല്‍ Subscribe ചെയ്യുക