കാട്ടുകൂൺ കഴിച്ച മൂന്നുപേർ മരിച്ചു

ഷില്ലോങ്: കാട്ടുകൂൺ കഴിച്ച സ്ത്രീയടക്കം മൂന്നു പേർ മരിച്ചു. ഷില്ലോങ്ങിലെ സയൻസ് ആൻഡ് ബയോ റിസോഴ്സസ് ഇൻസ്റ്റിറ്റ്യൂട്ടിലെ(ഐഎസ്ബിആർ) ജീവനക്കാരാണ് മരിച്ചത്. ഇൻസ്റ്റിറ്റ്യൂട്ടിന്റെ നിർമാണത്തിലിരിക്കുന്ന കെട്ടിടത്തിൽ നിന്ന് മൃതദേഹങ്ങൾ കണ്ടെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സ്ഥാപനത്തിലെ തൂപ്പുജോലിക്കാരായ ഷീബ ഖെർമാനി(40), റൂബർട്ട് ഡോൺബർ ഡോഹ്റ്റ്ഡോങ്, വാച്ച്മാനായ ബാക്സ്റ്റർ ഖാർഖ്രാങ്(30)എന്നിവരാണ് മരിച്ചത്. ഷീബയെ ഒരു മുറിയിലും മറ്റു രണ്ടുപേരെയും മറ്റൊരു മുറിയിലുമാണ് മരിച്ച നിലയിൽ കണ്ടെത്തിയതെന്ന് പൊലീസ് പറഞ്ഞു.

തൂപ്പുജോലിക്കാരുടെ മുറികളിൽ നിന്ന് ദുർ​ഗന്ധം വമിക്കുന്നുവെന്ന പരാതിയെ തുടർന്നാണ് പൊലീസ് ഇവിടം പരിശോധിച്ചത്. മൃതദേഹങ്ങൾ കണ്ടെത്തിയ മുറികൾക്കു സമീപമുള്ള മറ്റൊരു മുറിയിൽ നിന്ന് പൊലീസിന് കാട്ടുകൂണുകൾ ലഭിക്കുകയുണ്ടായി. തുടർന്നാണ് ഇവ കഴിച്ചതിനെ തുടർന്നാണ് മരണം സംഭവിച്ചതെന്ന നി​ഗമനത്തിൽ പൊലീസ് എത്തിയത്. മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.

News Tag Live യുട്യൂബ് ചാനല്‍ Subscribe ചെയ്യുക