11
Sep 2023
Fri
വനിതകളുടെ 10 മീറ്റര് എയര് പിസ്റ്റള് ഷൂട്ടിങ്ങില് ഇന്ത്യയ്ക്ക് സ്വര്ണവും വെള്ളിയും; സ്വര്ണനേട്ടം എട്ടായി
 |
|
ഹാങ്ചൗ: 2023 ഏഷ്യന് ഗെയിംസില് ഇന്ത്യയുടെ മെഡല്വേട്ട തുടരുന്നു. ആറാം ദിനം ഇന്ത്യ രണ്ട് സ്വര്ണവും മൂന്ന് വെള്ളിയും സ്വന്തമാക്കി. വനിതകളുടെ 10 മീറ്റര് എയര് പിസ്റ്റള് ഷൂട്ടിങ്ങില് ഇന്ത്യ സ്വര്ണവും വെള്ളിയും നേടി തകര്പ്പന് പ്രകടനം പുറത്തെടുത്തു. പലക് ഗുലിയ സ്വര്ണവും ഇഷ സിങ് വെള്ളിയും നേടി. ഗെയിംസ് റെക്കോഡോടെയാണ് പലക് സ്വര്ണം നേടിയത്. 242.1 ആണ് താരം നേടിയത്.
പുരുഷന്മാരുടെ 50 മീറ്റര് റൈഫിള് ത്രീ പൊസിഷന് ടീം ഇനത്തിലും ഇന്ത്യ സ്വര്ണം നേടി. സ്വപ്നില് കുശാലെ, ഐശ്വരി പ്രതാപ് സിങ്, അഖില് ഷിയോറാന് എന്നിവരടങ്ങിയ സഖ്യമാണ് സ്വര്ണം നേടിയത്. ഇതോടെ ഇന്ത്യയുടെ സ്വര്ണനേട്ടം എട്ടായി. നിലവില് എട്ട് സ്വര്ണവും 11 വെള്ളിയും 11 വെങ്കലവുമടക്കം 30 മെഡലുകളാണ് ഇന്ത്യയ്ക്കുള്ളത്. മെഡല് പട്ടികയില് ഇന്ത്യ നാലാം സ്ഥാനത്തെത്തി. ഷൂട്ടിങ്ങില് മാത്രം ഇന്ത്യയ്ക്ക് ആകെ 15 മെഡല് ആയി.
വനിതാ വിഭാഗം 10 മീറ്റര് എയര് പിസ്റ്റര് ടീം വിഭാഗത്തില് ഇന്ത്യന് താരങ്ങള് വെള്ളി നേടി. ഇഷ സിങ്, ദിവ്യ ടി.എസ്. പലക് ഗുലിയ എന്നിവരടങ്ങിയ സഖ്യമാണ് വെള്ളി നേടിയത്. ഈ ഇനത്തില് റെക്കോഡോടെ ചൈന സ്വര്ണം നേടി.
പുരുഷ ഡബിള്സ് ടെന്നീസില് ഇന്ത്യയുടെ രാംകുമാര് രാമനാഥന്സാകേത് മൈനേനി സഖ്യം വെള്ളികൊണ്ട് തൃപ്തിപ്പെട്ടു. ഈ ഇനത്തിലെ ഇന്ത്യയുടെ സ്വര്ണ പ്രതീക്ഷയായിരുന്ന ഇന്ത്യന് സഖ്യം ഫൈനലില് ചൈനീസ് തായ്പേയിയോട് പരാജയപ്പെട്ടു. സ്കോര്: 64, 64.
News Tag Live യുട്യൂബ് ചാനല് Subscribe ചെയ്യുക
Latest News
More Stories
All Rights Reserved © 2026