ശബരിമല തീർഥാടനത്തിനിടെ എട്ടുവയസ്സുകാരിക്കുനേരെ ലൈം​ഗികാതിക്രമം; 60കാരൻ പിടിയിൽ

ശബരിമല തീർഥാടനത്തിനിടെ എട്ടുവയസ്സുകാരിക്കുനേരെ ലൈം​ഗികാതിക്രമം നടത്തിയ 60കാരൻ പിടിയിൽ. സംഭവത്തിൽ മലപ്പുറം കൊളത്തൂർ സ്വദേശിയായ 60 കാരനെ കൊളത്തൂർ പൊലീസ് പിടികൂടി. മലപ്പുറം ചൈൽഡ് ലൈനിൽ ലഭിച്ച പരാതിയെ തുടർന്നാണ് അറസ്റ്റ്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പെൺകുട്ടിയും പിതാവും അടക്കമുള്ള സംഘം ഒരു വാഹനത്തിൽ ശബരിമലയിൽ തീർഥാടനത്തിനായി പോവുന്ന വഴി കഴി‍ഞ്ഞയാഴ്ചയാണ് സംഭവം. പോകുന്ന വഴി വാഹനം നിർത്തുകയും പിതാവ് പ്രാഥമിക ആവശ്യങ്ങൾക്കായി വാഹനത്തിന് പുറത്തിറങ്ങുകയും ചെയ്‌തപ്പോഴാണ് 60കാരനായ സംഘാം​ഗം പെൺകുട്ടിയുടെ സ്വകാര്യഭാ​ഗങ്ങളിൽ പിടിച്ചത്. ഇതോടെ പെൺകുട്ടി കരയുകയും പിതാവ് തിരിച്ചെത്തിയപ്പോൾ വിവരം അദ്ദേഹത്തോട് പറയുകയും ചെയ്തു.

ശബരിമല സന്ദർശനം പൂർത്തിയാക്കി തിരിച്ചെത്തിയ ശേഷം മലപ്പുറം ചൈൽഡ് ലൈനിൽ പിതാവ് പരാതി നൽകുകയും 60 കാരനെ അറസ്റ്റ് ചെയ്യുകയുമായിരുന്നു.

News Tag Live യുട്യൂബ് ചാനല്‍ Subscribe ചെയ്യുക