രാജ്യത്തെ ഏറ്റവും വലിയ കടൽപ്പാലം പ്രധാനമന്ത്രി ഉദ്ഘാടനം ചെയ്തു

മുംബൈയിൽ നിർമിച്ച രാജ്യത്തെ ഏറ്റവും വലിയ കടൽപ്പാലം പ്രധാനമന്ത്രി നരേന്ദ്രമോദി ഉദ്ഘാടനം ചെയ്തു. മുംബൈയിലെ സെവ് രിയെയും റായ്​ഗഡ് ജില്ലയിലെ നവ ശേവയെയും ബന്ധിപ്പിക്കുന്ന 21.8 കിലോമീറ്റർ ദൈർഖ്യമുള്ള മുംബൈ ട്രാൻസ് ഹാർബർ ലിങ്ക് ആണ് പ്രധാനമന്ത്രി ഉദ്ഘാടനം ചെയ്തത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

17840 കോടി രൂപ മുടക്കിയാണ് ഈ ആറുവരിപ്പാത നിർമിച്ചത്. പാലത്തിന്റെ 16.5 കിലോമീറ്റർ കടലിനു മുകളിലൂടെയാണ്. നിലവിൽ ഒന്നരമണിക്കൂർ വേണ്ട യാത്രാസമയം 20 മിനിറ്റായി പരിമിതപ്പെടുത്താൻ പാലം സഹായിക്കും. അടൽ സേതു എന്നു കൂടി ഈ പാലത്തിന് പേരുണ്ട്. മുൻ പ്രധാനമന്ത്രി അടൽ ബി​ഹാരി വാജ് പേയിയോടുള്ള ആദരവായാണ് പാലത്തിന് അടൽ സേതു എന്ന പേരു നൽകിയത്.

മുംബൈ അന്താരാഷ്ട്ര വിമാനത്താവളം, നവി മുംബൈ അന്താരാഷ്ട്ര വിമാനത്താവളം എന്നിവിടങ്ങളിലേക്കും മുംബൈയിൽ നിന്ന് പൂനെ, ​ഗോവ, ദക്ഷിണേന്ത്യ എന്നിവിടങ്ങളിലേക്കുമുള്ള യാത്ര വേ​ഗത്തിലാക്കാൻ പാലം സഹായകമാവും.

News Tag Live യുട്യൂബ് ചാനല്‍ Subscribe ചെയ്യുക