ലാലിഗ കിരീടത്തിൽ മുത്തമിട്ട് വീണ്ടും ബാഴ്സ; ഷെൽഫിലെത്തിയത് 27 ാം കിരീടം

മാഡ്രിഡ്: ചെറിയ ഇടവേളയ്ക്കു ശേഷം സ്പാനിഷ് ലീഗ് (ലാ ലിഗ) കിരീടത്തിൽ മുത്തമിട്ട് ബാഴ്സലോണ. ഇന്ന് പുലർച്ചെ നടന്ന മത്സരത്തിൽ എസ്പാന്യോളിനെ രണ്ടിനെതിരേ നാല് ഗോളുകൾക്ക് തകർത്തതോടെയാണ് ബാഴ്സ കിരീടം ഉറപ്പിച്ചത്. പരിശീലകനെന്ന നിലയിൽ സാവി ഹെർണാണ്ടസിന്റെ ആദ്യ ലീഗ് കിരീടമാണിത്. നാല് റൗണ്ട് മത്സരങ്ങൾ ശേഷിക്കേ രണ്ടാമതുള്ള റയൽ മാഡ്രിഡിനേക്കാൾ 14 പോയന്റിന്റെ ലീഡ് നേടിയാണ് ബാഴ്സ തങ്ങളുടെ 27ാമത്തെ ലാ ലിഗ കിരീടം സ്വന്തമാക്കിയത്. 2018-19 സീസണിലായിരുന്നു അവസാന കിരീടം. സൂപ്പർ താരം ലയണൽ മെസ്സി ക്ലബ്ബ് വിട്ട ശേഷമുള്ള ആദ്യ കിരീടവും. റോബർട്ട് ലെവൻഡോവ്സ്‌കിയുടെ ഇരട്ട ഗോളുകളും അലെയാൺഡ്രോ ബാൾഡെ, യൂൾസ് കുൺഡെ എന്നിവരുടെ ഗോളുകളുമാണ് ബാഴ്സയ്ക്ക് തകർപ്പൻ ജയമൊരുക്കിയത്. ജാവി പുവാഡോ, ജോസെലു എന്നിവർ എസ്പാന്യോളിനായി ഗോൾ മടക്കി.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മത്സരം പൂർണമായും ബാഴ്സയുടെ കയ്യിലായിരുന്നു. ആദ്യപകുതിയിൽ തന്നെ എതിരാളികളുടെ വലയിലേക്ക് അടിച്ചുകയറ്റിയത് മൂന്ന് ഗോളുകളായിരുന്നു. 11-ാം മിനിറ്റിൽ റോബർട്ട് ലെവൻഡോസ്‌കിയാണ് ഗോൾ വേട്ടക്ക് തുടക്കമിട്ടത്. അതുകൊണ്ട് നിർത്തിയില്ല. 20-ാം മിനിറ്റിൽ അലഹാൻഡ്രോ ബാൽഡേ ബാഴ്സയ്ക്കായി വല കുലുക്കി. കുറച്ചു നേരത്തേക്ക് ഗോൾ അകന്നുനിന്നു നിന്നെങ്കിലും ആദ്യപകുതി അവസാനിക്കുമ്പോൾ മിനിറ്റുകൾ ശേഷിക്കെ ലെവയുടെ പ്രഹരശേഷിയിൽ 40-ാം മിനിറ്റിൽ വീണ്ടും ബാഴ്സ. എന്നാൽ 73- ാം മിനിറ്റിൽ ഹാവി പുവാഡോ എസ്പാന്യോക്കായി ആശ്വാസ ഗോൾ നേടി. രണ്ടാം പകുതിയുടെ തുക്കത്തിൽ തന്നെ ജൂൾ കുണ്ടേയും ഗോൾ കണ്ടെത്തിയതോടെ ബാഴ്സ ഗോൾ വേട്ട അവസാനിപ്പിച്ചു. എക്‌സ്ട്രാ ടൈമിൽ ഹോസെലുവും എസ്പാന്യോളിനായി രണ്ടാം ഗോൾ നേടി.

മെയ് 21നാണ് ബാഴ്‌സയുടെ അടുത്ത മത്സരം. സ്വന്തം തട്ടകത്തിൽ റയൽ സോസിഡാഡിനെയാണ് നേരിടാനുള്ളത്. ജയത്തോടെ ബാഴ്സലോണക്ക് 34 മത്സരങ്ങളിൽ നിന്ന് 85 പോയിന്റിൽ എത്തിയിരുന്നു. രണ്ടാംസ്ഥാനത്തുള്ള റയൽ മാഡ്രിഡിന് 34 മത്സരങ്ങളിൽ നിന്ന് 71 പോയിന്റും. റയൽ മാഡ്രിഡിന് ഈ സീസൺ അവശേഷിക്കുന്ന നാലു മത്സരങ്ങളും ജയിച്ചാൽ 83 പോയിന്റിലേ ലഭിക്കൂ. അതുകൊണ്ട് തന്നെ ഈ വിജയം ബാഴ്സക്ക് കിരീടം ഉറപ്പിക്കുന്നു. അവസാനമായി 2018-19 സീസണിലാണ് ബാഴ്സലോണ ലാലിഗ കിരീടം നേടിയത്. ബാഴ്സലോണക്ക് ഇത് 27ആം ലീഗ് കിരീടമാണ്. 35 ലാലിഗ കിരീടങ്ങളുള്ള റയലാണ് കിരീടത്തിന്റെ എണ്ണത്തിൽ മുന്നിൽ.

La Liga is ours.
So is the future. pic.twitter.com/69MIvVn2x6

— FC Barcelona (@FCBarcelona) May 14, 2023