കേരള ബ്ലാസ്റ്റേഴ്‌സിന്റെ ബ്രൈസ് മിറാണ്ട പഞ്ചാബ് എഫ് സിയിലേക്ക്

കൊച്ചി: കേരള ബ്ലാസ്റ്റേഴ്‌സിന്റെ യുവ വിങര്‍ ബ്രൈസ് മിറാണ്ട ക്ലബ് വിടും. താരം ഈ ജനുവരി ട്രാന്‍സ്ഫര്‍ വിന്‍ഡോയില്‍ ഐ എസ് എല്‍ ക്ലബായ പഞ്ചാബ് എഫ് സിയിലേക്ക് പോകും. ഇതിനായുള്ള ചര്‍ച്ചകള്‍ അന്തിമഘട്ടത്തിലാണ് എന്നാണ് റിപ്പോര്‍ട്ടുകള്‍. ലോണ്‍ അടിസ്ഥാനത്തില്‍ ആകും നീക്കം. ഈ സീസണില്‍ അധികം അവസരം ബ്രൈസിന് ലഭിച്ചിരുന്നില്ല.
ചര്‍ച്ചില്‍ ബ്രദേഴ്സില്‍ നിന്ന് കഴിഞ്ഞ സീസണില്‍ ആയിരുന്നു ബ്രൈസ് മിറാന്‍ കേരള ബ്ലാസ്റ്റേഴ്സിലേക്ക് എത്തിയത്. കിട്ടിയ അവസരങ്ങള്‍ മുതലെടുത്ത് ആദ്യ ഇലവനിലേക്ക് എത്താന്‍ ബ്രൈസിനും ആയില്ല. 2026വരെ ബ്രൈസിന് കേരള ബ്ലാസ്റ്റേഴില്‍ കരാര്‍ ഉണ്ട്. ലോണ്‍ കഴിഞ്ഞ് താരം ബ്ലാസ്റ്റേഴ്‌സിലേക്ക് തന്നെ തിരികെയെത്തും.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മുംബൈ എഫ്സിയില്‍ നിന്നാണ് മിറാന്‍ഡ പ്രൊഫഷണല്‍ ഫുട്ബോള്‍ ജീവിതം ആരംഭിച്ചത്. 2018ല്‍ എഫ്സി ഗോവയുടെ ഡെവലപ്മെന്റല്‍ ടീമില്‍ ചേരുന്നതിന് മുമ്പ് ചെറിയ കാലയളവിലേക്ക് യൂണിയന്‍ ബാങ്ക് എഫ്സിക്കായി കളിച്ചു. ഒരു വര്‍ഷത്തിനുശേഷം ഇന്‍കം ടാക്സ് എഫ്സിയില്‍ ചേര്‍ന്നു. 2020ല്‍ ഗോവന്‍ ഐ ലീഗ് ക്ലബ്ബായ ചര്‍ച്ചില്‍ ബ്രദേഴ്സുമായി ബ്രൈസ് കരാര്‍ ഒപ്പിട്ടു. ക്ലബ്ബിനായി 33 മത്സരങ്ങള്‍ കളിച്ചു.