റിയാദില്‍ കടകള്‍ക്ക് തീപ്പിടിച്ചു; വന്‍ നാശനഷ്ടം

റിയാദ്: സൗദി തലസ്ഥാനമായ റിയാദില്‍ വാണിജ്യ സമുച്ചയത്തിന് തീപിടിച്ചു. (Fire breakout in Riyadh shopping complex)  റിയാദ് നഗത്തിന്റെ വടക്കുകിഴക്കന്‍ ഭാഗത്തെ അല്‍ യര്‍മുഖിലാണ് ചൊവ്വാഴ്ച രാവിലെ നിരവധി കടകള്‍ പ്രവര്‍ത്തിക്കുന്ന കെട്ടിടസമുച്ചയത്തില്‍ തീപിടിത്തമുണ്ടായത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സിവില്‍ ഡിഫന്‍സിന്റെ നേതൃത്വത്തില്‍ അഗ്‌നിശമന സേനയും പൊലീസുമെത്തി രക്ഷാപ്രവര്‍ത്തനവും തീയണയ്ക്കാനുള്ള ശ്രമങ്ങളും നടത്തി. മണിക്കൂറുകള്‍ക്കുള്ളില്‍ തീ നിയന്ത്രണവിധേയമാക്കി.

ആര്‍ക്കും പരിക്കോ ആളപായമോ സംഭവിച്ചിട്ടില്ല. എന്നാല്‍, അഗ്നിബാധയില്‍ വന്‍ സ്വത്ത് നാശമുണ്ടായിട്ടുണ്ടെന്നും സിവില്‍ ഡിഫന്‍സ് അറിയിച്ചു.