‘അയാള്‍ ദ്വയാര്‍ഥ പ്രയോഗങ്ങളിലൂടെ മനഃപൂര്‍വം അപമാനിക്കുന്നു; എന്റെ പ്രതികരണശേഷിയെ പരീക്ഷിക്കരുത്’; ശല്യക്കാരനായ ‘പ്രമുഖനെ’തിരെ കുറിപ്പുമായി ഹണി റോസ്

കൊച്ചി: തന്നെ പതിവായി അപഹസിക്കുകയും ശല്യംചെയ്യുകയും ചെയ്യുന്ന ‘പ്രമുഖനെ’തിരെ കുറിപ്പുമായി നടി ഹണി റോസ്. സ്ത്രീത്വത്തെ അപമാനിക്കുന്ന തരത്തിലുള്ള ദ്വയാര്‍ഥ പ്രയോഗങ്ങള്‍ നടത്തി സമൂഹ മാധ്യമങ്ങളിലൂടെ തന്നെ പരിഹസിക്കുന്നവര്‍ക്കു കൂടി മുന്നറിയിപ്പുമായാണ് ഹണി റോസ് സോഷ്യല്‍മീഡിയയില്‍ കുറിപ്പ് പങ്കുവച്ചത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

മാനസിക വൈകൃതം ഉള്ളവരുടെ ഇത്തരം പുലമ്പലുകളെ പുച്ഛത്തോടെയും സഹതാപത്തോടെയും അവഗണിക്കാറാണ് പതിവെന്നും എന്നാല്‍ ഇനി ഈ വിഷയത്തില്‍ നിയപരമായി മുന്നോട്ടുപോകാനാണ് തീരുമാനമെന്നും ഹണി റോസ് പറഞ്ഞു. ഒരു വ്യക്തിയുടെ ഇടപെടലുകളെ ചൂണ്ടിക്കാണിച്ചായിരുന്നു നടിയുടെ മുന്നറിയിപ്പ് എങ്കിലും അത് ആരാണെന്ന് അവര്‍ വ്യക്തമാക്കുന്നില്ല.

ഉദ്ഘാടന ചടങ്ങിന് പങ്കെടുത്തപ്പോള്‍ ദ്വയാര്‍ഥ പ്രയോഗങ്ങള്‍ കൊണ്ട് അപമാനം നേരിട്ടതിനാല്‍ പിന്നീട് ആ വ്യക്തിയുടെ സ്ഥാപനത്തിന്റെ ചടങ്ങിലും പങ്കെടുക്കില്ലെന്ന് തീരുമാനിച്ചിരുന്നു. ചടങ്ങുകളില്‍ പങ്കെടുക്കാന്‍ വിസമ്മതം പ്രകടിപ്പിക്കുന്നത് കാരണം മനഃപൂര്‍വം സമൂഹമാധ്യമങ്ങളില്‍ തന്റെ പേര് വലിച്ചിഴച്ച് അപമാനിക്കുകയാണ് അയാളെന്നും ഹണി റോസ് പറഞ്ഞു.

ഹണി റോസിന്റെ കുറിപ്പ്:

Honey Rose writes a note against the person who harassed her