18
Jan 2024
Sun
വിഖ്യാത നാഷണല് ജിയോഗ്രഫിക് മാഗസിന് അച്ചടി നിര്ത്തുന്നു
 |
|
വാഷിംഗ്ടണ്: ലോകപ്രശസ്ത നാഷണല് ജിയോഗ്രഫിക് മാഗസിന് അച്ചടി നിര്ത്തുന്നു. നീണ്ട 135 വര്ഷത്തെ പ്രവര്ത്തനപരിചയമുള്ള നാഷണല് ജിയോഗ്രഫിക്ക് മാഗസിനാണ് അച്ചടി അവസാനിപ്പിക്കുന്നതായി പ്രഖ്യാപിച്ചിരിക്കുന്നത്. ഇനി പൂര്ണമായും ഡിജിറ്റലിലായിരിക്കും പ്രസിദ്ധീകരിക്കുക. സാമ്പത്തിക പ്രതിസന്ധി രൂക്ഷമായ നാഷണല് ജിയോഗ്രഫിക്ക് നിരവധി ജീവനക്കാരെ പിരിച്ചുവിട്ടിരുന്നു. ആസന്നമായ വംശനാശഭീഷണി നേരിടുന്ന ഒരു ജീവിയെപ്പോലെ നാഷനല് ജിയോഗ്രാഫിക് മാഗസിന് നിരന്തരമായി താഴോട്ടുള്ള പാതയിലാണെന്നും വര്ധിച്ചുവരുന്ന അസഹനീയമായ ആവാസവ്യവസ്ഥയില് നിലനില്പ്പിനായി പോരാടുകയാണെന്നും അച്ചടി അവസാനിപ്പിക്കുന്ന വാര്ത്ത പ്രസിദ്ധീകരിച്ച് വാഷിംഗ്ടണ് പോസ്റ്റ് പറഞ്ഞു.
മാസം തോറും ന്യൂസ് സ്റ്റാന്ഡുകളില് കാണാറുള്ള നാഷണല് ജിയോഗ്രാഫിക്കിന്റെ പരിചിതമായ മഞ്ഞ ബോര്ഡര് കവര് ഇനി വില്പ്പനയ്ക്കില്ലെന്നും ജീവനക്കാരെ വെട്ടിക്കുറക്കലിന്റെ ഭാഗമായി 2024 മുതല് അച്ചടി നിര്ത്തുകയാണെന്നും കഴിഞ്ഞ വര്ഷം ജൂണില് കമ്പനി വായനക്കാരെ അറിയിച്ചിരുന്നു. കമ്പനി ഇനി ഡിജിറ്റല് പതിപ്പിലാണ് കൂടുതല് ശ്രദ്ധ ചെലുത്തുന്നത്. പ്രത്യേക പതിപ്പുകള് മാത്രമായിരിക്കും ന്യൂസ് സ്റ്റാന്റുകളില് ലഭ്യമാവുക. എന്നാല് നിലവിലുള്ള വരിക്കാര്ക്ക് പ്രിന്റ് ചെയ്ത കോപ്പി ലഭ്യമാക്കുമെന്നും റിപ്പോര്ട്ടില് പറയുന്നു.
Latest News
More Stories
All Rights Reserved © 2022