15
Aug 2024
Fri
Jio-AI cloud to issue 100 GB free storage
 |
|
ജീവനക്കാര്ക്ക് ഇക്കൊല്ലത്തെ ദിവാലി സമ്മാനം പ്രഖ്യാപിച്ച് റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി. വെല്ക്കം ഓഫറിന്റെ ഭാഗമായി ഓരോ ഉപയോക്താവിനും 100 ജിബി ക്ലൗഡ് സ്റ്റോറേജ് സൗജന്യമായിരിക്കുമെന്ന് അംബാനി പ്രഖ്യാപിച്ചു. ജിയോ ഉപയോക്താക്കള്ക്ക് അവരുടെ ഫോട്ടോകള്, വീഡിയോകള്, ഡോക്യുമെന്റുകള്, ഡിജിറ്റല് ഉള്ളടക്കം, ഡാറ്റ എന്നിവ സുരക്ഷിതമായി ഓണ്ലൈണില് സൂക്ഷിക്കാന് ജിയോ ക്ലൗഡ് അനുവദിക്കും. ലോകത്തിന്റെ ഏത് ഭാഗത്തുനിന്നും ഈ ക്ലൗഡ് സേവനം ആക്സസ് ചെയ്യാന് സാധിക്കും. റിലയന്സ് ഇക്കോ സിസ്റ്റം ശക്തിപ്പെടുത്തുന്നതിന്റെ ഭാഗമായാണ് അംബാനിയുടെ ഈ പ്രഖ്യാപനം.
വരുന്ന ദീപാവലിയോടെ ജിയോ എഐ ക്ലൗഡ് സമാരംഭിക്കും. റിലയന്സ് ജിയോയുടെ ക്ലൗഡ് ഡാറ്റ സ്റ്റോറേജും ഡാറ്റാ പവര് AI സേവനങ്ങളും എല്ലാവര്ക്കും എല്ലായിടത്തും ലഭ്യമാകുന്ന ശക്തവും താങ്ങാനാവുന്നതുമായ പരിഹാരമാകുമെന്ന് അംബാനി അറിയിച്ചു. കൂടുതല് സ്റ്റോറേജ് ആവശ്യമുള്ളവര്ക്ക് വിപണിയില് ഏറ്റവും താങ്ങാനാവുന്ന വിലയില് അതും ലഭ്യമാക്കുമെന്നും അദ്ദേഹം വ്യക്തമാക്കി.
അതേസമയം, വെല്ക്കം ഓഫര് കാലാവധിയിലായിരിക്കും ക്ലൗഡ് സ്റ്റോറേജ് സൗജന്യമായി ലഭിക്കുക. ഈ കാലാവധിക്ക് ശേഷം ക്ലൗഡിന് നിരക്ക് ഈടാക്കി തുടങ്ങും.
റിലയന്സിന്റെ AI തെരഞ്ഞെടുത്ത ചിലര്ക്ക് മാത്രമായി കരുതിവച്ചിരിക്കുന്ന ഒരു ആഡംബരവസ്തു ആയിരിക്കില്ലെന്ന് അംബാനി പറഞ്ഞു. ചെലവേറിയതും ഉയര്ന്ന നിലവാരമുള്ളതുമായ ഉപകരണങ്ങളില് മാത്രമല്ല, എല്ലാ ഉപകരണങ്ങളിലും ഈ AI സേവനങ്ങള് ആക്സസ് ചെയ്യാന് സാധിക്കുമെന്നും അംബാനി പറഞ്ഞു.
ഇതോടൊപ്പം AI സേവനവും ഇന്നലെ പ്രഖ്യാപിച്ചു. മുകേഷിന്റെ മകന് അകാശ് അംബാനിയാണ് ഇതു പ്രഖ്യാപിച്ചത്. ഉപയോക്താക്കളെ ജിയോ ക്ലൗഡില് റെക്കോഡ് ചെയ്യാനും സംഭരിക്കാനും അത് സ്വയമേവ ട്രാന്സ്ക്രൈബ് ചെയ്യാനും അനുവദിക്കുന്ന മോഡലാണിത്. കോളുകളെ സംഗ്രഹിക്കാനും മറ്റൊരു ഭാഷയിലേക്ക് വിവര്ത്തനം ചെയ്യാനും ഈ എഐയ്ക്ക് സാധിക്കും. പ്രധാനപ്പെട്ട വോയ്സ് സംഭാഷണങ്ങള് എളുപ്പത്തില് പിടിച്ചെടുക്കാനും, ആക്സസ് ചെയ്യാനും ഈ AIക്ക് സാധിക്കും. ഏതാനും ക്ലിക്കുകളിലൂടെ ഭാഷകളിലുടനീളം പ്രയോജനപ്പെടുത്താവുന്ന തരത്തിലാകും ഇത്.
ഫോര്ബ്സിന്റെ പുതിയ റിപ്പോര്ട്ട് പ്രകാരം അംബാനിയുടെ ആസ്തി 9,82,287 കോടി രൂപ (117.1 ബില്യണ് ഡോളര്) ആണ്.
Latest News
More Stories
All Rights Reserved © 2022