26
Jul 2024
Tue
കാലിക്കറ്റ് സര്വകലാശാല ഇന്നത്തെ എല്ലാ പരീക്ഷകളും മാറ്റി | Kerala Rain Updates- Holiday
 |
|
കോഴിക്കോട്: കനത്തമഴയും പ്രകൃതിദുരന്തവും കാരണം കാലിക്കറ്റ് സര്വകലാശാല ഇന്ന് (30-07-2024) നടത്താനിരുന്ന എല്ലാ പരീക്ഷകളും മാറ്റിവച്ചു. മൂല്യ നിര്ണയ ക്യാമ്പുകളും വൈസ് ചാന്സലറുടെ നിര്ദേശപ്രകാരം മാറ്റിവെച്ചതായി പരീക്ഷാ കണ്ട്രോളര് അറിയിച്ചു.
അതേസമയം, ശക്തമായി മഴ തുടരുന്ന സാഹചര്യത്തില് സംസ്ഥാനത്ത് 10 ജില്ലകളില് ഇന്ന് അവധിയാണ്. കാസര്കോട്, കണ്ണൂര്, കോട്ടയം, മലപ്പുറം, കോഴിക്കോട്, വയനാട്, തൃശൂര്, പാലക്കാട്, എറണാകുളം, ഇടുക്കി ജില്ലകളിലെ മുഴുവന് വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിരുന്നു.
കാസര്കോട് ജില്ലയിലെ കോളജുകള്, സ്കൂളുകള്, സിബിഎസ്ഇ സ്കൂളുകള്, ഐസിഎസ്സി സ്കൂളുകള്, സെന്ട്രല് സ്കൂളുകള്, അങ്കണവാടികള്, മദ്രസസകള് എന്നിവയ്ക്ക് ഇന്ന് അവധി ആയിരിക്കുമെന്ന് ജില്ലാ കലക്ടര് കെ. ഇമ്പശേഖര് അറിയിച്ചു. എന്നാല് മുന്കൂട്ടി പ്രഖ്യാപിച്ച പരീക്ഷകള്ക്ക് മാറ്റമില്ല.
കോട്ടയം ജില്ലയിലെ അങ്കണവാടികള്, പ്രൊഫഷണല് കോളജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു. മുന് നിശ്ചയപ്രകാരമുള്ള പൊതുപരീക്ഷകള്, സര്വകലാശാലാ പരീക്ഷകള് എന്നിവയ്ക്ക് മാറ്റം ഉണ്ടായിരിക്കുന്നതല്ല.
കണ്ണൂര് ജില്ലയിലെ അങ്കണവാടികള്, പ്രൊഫഷണല് കോളജുകള്, ട്യൂഷന് ക്ലാസ്സുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ഇന്ന് ജില്ലാ കലക്ടര് അവധി പ്രഖ്യാപിച്ചു. മുന് നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവയ്ക്ക് മാറ്റം ഉണ്ടായിരിക്കുന്നതല്ല. അവധി മൂലം നഷ്ട്ടപ്പെടുന്ന പഠനസമയം ക്രമീകരിക്കാന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണ്. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
മലപ്പുറം ജില്ലയിലെ പ്രൊഫഷണല് കോളജുകള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ഇന്ന് അവധി ആയിരിക്കും. അങ്കണവാടികള്, മദ്രസകള്, ട്യൂഷന് സെന്ററുകള് എന്നിവക്കെല്ലാം അവധി ബാധകമാണ്.
കോഴിക്കോട് ജില്ലയില് എല്ലാ സ്കൂളുകള്ക്കും ഇന്ന് അവധി പ്രഖ്യാപിച്ചു. അങ്കണവാടികള്ക്കും അവധി ബാധകമാണ്. മഴക്കാല മുന്നറിയിപ്പുകള്ക്ക് ആധികാരിക സ്രോതസ്സുകള് മാത്രം ആശ്രയിക്കുക.
പോത്തുകല്ലിലേക്ക് മൃതദേഹങ്ങള് ഒഴുകിയെത്തുന്നു: എത്തിയതില് കുഞ്ഞിന്റയും പുരുഷന്റെയും ശരീര ഭാഗങ്ങളും
തൃശൂര് ജില്ലയില് അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സി.ബി.എസ്.ഇ, ഐ.സി.എസ്.ഇ സ്കൂളുകള്, പ്രഫഷനല് കോളജുകള്, ട്യൂഷന് സെന്ററുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച കലക്ടര് അവധി പ്രഖ്യാപിച്ചു. റസിഡന്ഷ്യല് സ്ഥാപനങ്ങള്ക്കും/ കോഴ്സുകള്ക്കും അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമില്ല.
വയനാട് ജില്ലയില് ട്യൂഷന് സെന്ററുകള്, അങ്കണവാടികള്, പ്രഫഷനല് കോളജുകള് ഉള്പ്പെടെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച ജില്ല കലക്ടര് ഡി.ആര് മേഘശ്രീ അവധി പ്രഖ്യാപിച്ചു.
പാലക്കാട് ജില്ലയില് കനത്ത കാലവര്ഷത്തിന്റെയും മഴക്കെടുതികളുടെയും പശ്ചാത്തലത്തില് പ്രൊഫഷണല് കോളജുകള്, അങ്കണവാടികള്, കിന്റര്ഗാര്ട്ടന്, മദ്രസ, ട്യൂഷന് സെന്റര് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച ജില്ല കലക്ടര് അവധി പ്രഖ്യാപിച്ചു.
എറണാകുളം ജില്ലയിലെ അങ്കണവാടികള്, പ്രൊഫഷണല് കോളജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ശക്തമായ മഴയും കാറ്റും ഉള്ള സാഹചര്യത്തില് ചൊവ്വാഴ്ച അവധി അനുവദിച്ചു. മുന് നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവക്ക് മാറ്റം ഉണ്ടായിരിക്കുന്നതല്ല.
ഇടുക്കി ജില്ലയിലെ പ്രൊഫഷണല് കോളജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി ആയിരിക്കും. കുട്ടികളുടെ സുരക്ഷയെ കരുതിയാണ് നടപടി. അങ്കണവാടികള്, മദ്രസ, കിന്ഡര്ഗാര്ട്ടന് എന്നിവയ്ക്കും അവധി ബാധകമാണ്. ട്യൂഷന് സെന്ററുകള് ഒരു കാരണവശാലും പ്രവര്ത്തിക്കാന് പാടില്ല. പൂര്ണ്ണമായും റസിഡന്ഷ്യല് ആയി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല.
kerala rain holiday for educational institutions and exam cancelled chooralmala landslide
Latest News
More Stories
All Rights Reserved © 2022