ബെംഗളൂരുവില്‍ മലയാളി യുവാവ് കുത്തേറ്റ് മരിച്ച നിലയില്‍

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ബെംഗളൂരു: ബെംഗളൂരുവില്‍ മലയാളി യുവാവിനെ കുത്തേറ്റുമരിച്ചനിലയില്‍ കണ്ടെത്തി. പാനൂര്‍ അണിയാരം ഫാത്തിമാസില്‍ മജീദിന്റെയും അസ്മയുടെയും മകന്‍ ജാവേദാ(29)ണ് മരിച്ചത്. ചൊവ്വാഴ്ച വൈകീട്ട് നാലരയോടെയാണ് സംഭവം.

ബെംഗളൂരു ഹുളിമാവിന് സമീപത്തെ ഫ്‌ളാറ്റിലെ താമസക്കാരനാണ് ജാവേദ്. ഒപ്പമുണ്ടായിരുന്ന യുവതിയാണ് കുത്തേറ്റ ജാവേദിനെ സമീപത്തെ സ്വകാര്യ ആശുപത്രിയിലെത്തിച്ചത്. ആശുപത്രിലെത്തുന്നതിനുമുമ്പേ മരിച്ചിരുന്നു. ആശുപത്രി അധികൃതരാണ് പോലീസിനെ വിവരമറിയിച്ചത്. യുവതിയെ ഹുളിമാവ് പോലീസ് ചോദ്യംചെയ്തുവരുകയാണ്.

ഏതാനും ദിവസംമുമ്പാണ് മൊബൈല്‍ഫോണ്‍ ടെക്‌നീഷ്യനായ ജാവേദ് ബെംഗളൂരുവിലെത്തിയത്. തുടര്‍ന്ന് അപ്പാര്‍ട്മെന്റ് വാടകയ്ക്കെടുത്ത് താമസിച്ചുവരുകയായിരുന്നു.