റഷ്യയില്‍ വന്‍ ഭൂചലനം; കെട്ടിടങ്ങള്‍ കുലുങ്ങി വിറച്ചു; സുനാമി മുന്നറിയിപ്പ്

റഷ്യയിലെ കംചട്ക പ്രവിശ്യയില്‍ ദിവസങ്ങള്‍ക്കിടെ വീണ്ടും ശക്തിയേറിയ ഭൂചലനം. ഭൂകമ്പമാപിനിയില്‍ 7.8 തീവ്രത രേഖപ്പെടുത്തിയ ചലനത്തില്‍ കെട്ടിടങ്ങള്‍ കുലുങ്ങി വിറച്ചു. സൂനാമി മുന്നറിയിപ്പ് പുറപ്പെടുവിച്ചിട്ടുണ്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

വീടുകളും കെട്ടിടങ്ങളും കുലുങ്ങിയതിനെ തുടര്‍ന്ന് ഫര്‍ണിച്ചറുകളടക്കം മറിഞ്ഞു വീഴുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ ആളുകള്‍ പങ്കുവച്ചു. പാര്‍ക്ക് ചെയ്തിരുന്ന കാര്‍ ഭൂചലനത്തിന്റെ ഫലമായി തെന്നി നീങ്ങി റോഡിലെത്തുന്നതും ദൃശ്യങ്ങളിലുണ്ട്.

ALSO READ: ഇസ്രായേല്‍ സൈന്യം ഇരുദിശകളില്‍ നിന്ന് ഗസാ സിറ്റിയുടെ മധ്യ ഭാഗത്തേക്കു നീങ്ങുന്നു; ജീവിതത്തിനും മരണത്തിനുമിടയില്‍ ലക്ഷങ്ങള്‍

യുഎസ് ജിയോളജിക്കല്‍ സര്‍വെ റിപോര്‍ട്ട് പ്രകാരം പെട്രോപാവ് ലോവ്‌സ് കംചട്‌സ്‌കിയില്‍ നിന്നും 128 കിലോമീറ്റര്‍ കിഴക്കു ഭാഗത്തായാണ് ഭൂചലനത്തിന്റെ പ്രഭവകേന്ദ്രം. ശക്തിയേറിയ ഈ ചലനത്തിന് പിന്നാലെ അഞ്ച് തുടര്‍ ചലനങ്ങളും പ്രദേശത്തുണ്ടായി.

ജനങ്ങള്‍ പരിഭ്രാന്തരാകേണ്ടതില്ലെന്നും എന്നാല്‍ സുരക്ഷിത സ്ഥാനങ്ങളിലേക്ക് മാറണമെന്നും അധികൃതര്‍ അറിയിച്ചു. ഈ ആഴ്ച ആദ്യവും കംചട്കയില്‍ തീവ്രതയേറിയ ഭൂചലനം അനുഭവപ്പെട്ടിരുന്നു. പസഫിക് റിങ് ഓഫ് ഫയര്‍ പ്രദേശത്ത് വരുന്നതിനാല്‍ തന്നെ കംചട്ക പതിവ് ഭൂചലന ബാധിത പ്രദേശമാണ്. ജൂലൈയിലുണ്ടായ വന്‍ ഭൂചലനവും സൂനാമിയും തീരദേശ ഗ്രാമത്തിന്റെ ഒരു ഭാഗം കവര്‍ന്നിരുന്നു.