ഹിസ്ബുല്ല തകര്‍ന്നുവെന്ന് കരുതുന്നവര്‍ക്ക് തെറ്റി; അധിനിവേശം അവസാനിക്കാതെ ആയുധം താഴെവയ്ക്കില്ല

ബെയ്റൂത്ത്: ഇസ്രായേല്‍ ലബ്നാനിലെ അധിനിവേശം അവസാനിപ്പിക്കാതെ ആയുധം താഴെവയ്ക്കില്ലെന്ന് ഹിസ്ബുല്ല നേതാക്കള്‍. (Never surrender; says hezbollah officials) ദേശീയ ഐക്യത്തിന് പകരം യുഎസിന്റെയും ഇസ്രായേലിന്റെയും വാക്കുകളാണ് ലബ്നാനിലെ ചില രാഷ്ട്രീയ പാര്‍ട്ടികള്‍ വിശ്വസിക്കുന്നതെന്ന് ലോയല്‍ട്ടി ടു റെസിസ്റ്റന്‍സ് ബ്ലോക്ക് അംഗം ഹസന്‍ ഇസ്സെദിന്‍ പറഞ്ഞു.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

ഇസ്രായേലി ആക്രമണത്തില്‍ ഹിസ്ബുല്ല തകര്‍ന്നുവെന്നാണ് ചില രാഷ്ട്രീയ പാര്‍ട്ടികള്‍ കരുതുന്നത്. ഓരോ സന്ദര്‍ഭത്തിനും ആവശ്യമായ തീരുമാനങ്ങള്‍ എടുക്കാനുള്ള ധൈര്യവും ബുദ്ധിയും ഹിസ്ബുല്ലയ്ക്കുണ്ടെന്നും അദ്ദേഹം പറഞ്ഞു.

സയണിസ്റ്റ് താല്‍പര്യം സംരക്ഷിക്കാന്‍ യുഎസ് കൊണ്ടുവരുന്ന തന്ത്രങ്ങളെ കുറിച്ച് ലബ്നാന്‍ ജനതയ്ക്ക് ബോധ്യമുണ്ടെന്ന് മറ്റൊരു എംപിയായ റഈദ് ബെറോ പറഞ്ഞു.