വയോധികയുടെ മൃതദേഹം പൊട്ടക്കിണറ്റില്‍; സ്വര്‍ണാഭരണം കാണാനില്ല

ദുരൂഹ സാഹചര്യത്തില്‍ കാണാതായ വയോധികയുടെ മൃതദേഹം പൊട്ടക്കിണറ്റില്‍ കണ്ടെത്തി. വയനാട് വെള്ളമുണ്ടയിലാണ് സംഭവം.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

തേറ്റമല്ല പരേതനായ വിലങ്ങില്‍ മുഹമ്മദിന്റെ ഭാര്യ കുഞ്ഞാമി എന്ന മാമി(70)യുടെ മൃതദേഹമാണ് ഉപയോഗശൂന്യമായ കിണറ്റില്‍ കണ്ടെത്തിയത്. ഇന്നലെ ഉച്ചമുതല്‍ ഇവരെ കാണാനില്ലായിരുന്നു. ശാരീരിക പ്രയാസം നേരിടുന്ന ഇവര്‍ ഒറ്റയ്ക്ക് ഇത്രദൂരം സഞ്ചരിക്കില്ലെന്നാണ് നാട്ടുകാര്‍ പറയുന്നത്.

ഇവര്‍ ധരിച്ചിരുന്ന 3 പവനോളം തൂക്കം വരുന്ന സ്വര്‍ണാഭരണം കാണാതായിട്ടുണ്ട്. മാനന്തവാടി ഡിവൈഎസ്പി ഷാജി, ഡിവൈഎസ്പി അബ്ദുല്‍ കരീം, തൊണ്ടര്‍നാട് പോലീസ് എസ്എച്ച്ഒ പവനന്‍, ഫോറന്‍സിക് ഉദ്യോഗസ്ഥര്‍ തുടങ്ങിയവര്‍ സ്ഥലത്ത് എത്തി.

News Tag Live യുട്യൂബ് ചാനല്‍ Subscribe ചെയ്യുക