ബിജെപി തിരഞ്ഞെടുപ്പ് ഫണ്ട് തട്ടിപ്പില്‍ ഗുരുതര വെളിപ്പെടുത്തലുമായി പിസി ജോര്‍ജ്; എ ക്ലാസ് മണ്ഡലത്തില്‍ നാലര കോടി ചെലവാക്കിയെന്ന് കണക്ക്; എന്നാല്‍ പലര്‍ക്കും പണം കിട്ടിയില്ല

ബിജെപി തിരഞ്ഞെടുപ്പ് ഫണ്ട് തട്ടിപ്പില്‍ കൂടുതല്‍ വിവരങ്ങള#് പുറത്തുവരുന്നു. ബിജെപി നേതാവ് പി സി ജോര്‍ജ്ജാണ് ഗുരുതര വെളിപ്പെടുത്തലുമായി രംഗത്തെത്തിയിരിക്കുന്നത്. പൂഞ്ഞാര്‍ മണ്ഡലത്തിലെ തെരഞ്ഞെടുപ്പ് ഫണ്ടില്‍ വലിയ വെട്ടിപ്പുണ്ടായതായാണ് പി സി ജോര്‍ജിന്റെ വെളിപ്പെടുത്തല്‍.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

പ്രചരണത്തിനായി നാല് കോടി 45 ലക്ഷം രൂപ ചെലവായെന്ന കണക്കാണ് തനിക്ക് തന്നതെന്നും എന്നാല്‍ ലിസ്റ്റില്‍ പേരുള്ള പലരേയും വിളിച്ചു ചോദിച്ചപ്പോള്‍ അവര്‍ പണം വാങ്ങിയിട്ടില്ലെന്ന് വ്യക്തമായെന്നും പി സി ജോര്‍ജ്ജ് വെളിപ്പെടുത്തി. ബിജെപി യോഗത്തിനിടെ പി സി ജോര്‍ജ് ഇക്കാര്യങ്ങള്‍ തുറന്നു പറഞ്ഞത്.

ALSO READ: മുഹമ്മദ് സിയാന്റെ കുട്ടി സഖാവ് ഇന്‍സ്റ്റ അക്കൗണ്ട് പൂട്ടി മെറ്റ; നടപടി പിണറായി ഉള്‍പ്പെടെയുള്ള നേതാക്കള്‍ കമന്റ് ചെയ്തതിന് പിന്നാലെ

ബൂത്ത് കമ്മിറ്റികള്‍ക്ക് നല്‍കാന്‍ നിശ്ചയിച്ച തുക പോലും നല്‍കിയില്ല. ബിജെപി മധ്യമേഖല ജനറല്‍ സെക്രട്ടറി സജി കുരിക്കാട് ആണ് തട്ടിപ്പിന് നേതൃത്വം നല്‍കിയതെന്നും പി സി ജോര്‍ജ് പറഞ്ഞു. പരമാവധി നാല്‍പ്പത് ലക്ഷം രൂപ മാത്രമേ ചെലവഴിക്കാവൂ എന്ന് ചട്ടമുള്ളപ്പോള്‍ എ ക്ലാസ് മണ്ഡലങ്ങളില്‍ നാലരക്കോടി രൂപ വീതം ചെലവഴിച്ചെന്നും ജോര്‍ജ് വെളിപ്പെടുത്തി.

‘ബൂത്ത് കമ്മിറ്റികള്‍ക്ക് നല്‍കാന്‍ നിശ്ചയിച്ച 31000 രൂപ പോലും കൊടുത്തില്ല. അത്ര വൃത്തികെട്ടവന്മാരാണ് പാര്‍ട്ടിയിലുളളത്. പലരും കാറ് വാങ്ങുന്നു. ബിജെപിയുടെ കാശ് കൊണ്ട് കാര്‍ എടുത്താല്‍ ഇടിച്ച് നശിക്കും. മോഷ്ടിച്ചവനെയൊന്നും ദൈവം വെറുതെ വിടുകേല. ഞാനാണ് പ്രാകുന്നത്’, പി സി ജോര്‍ജ് പറഞ്ഞു.

Tags: PC George BJP, Poonjar election fund scam, PC George viral speech, BJP election fund controversy, Saji Kurikkad BJP, Kerala news headlines, Malayalam news update

News Tag Live യുട്യൂബ് ചാനല്‍ Subscribe ചെയ്യുക