കോഴിക്കോട്ട് നവജാത ശിശുവിനെ ഉപേക്ഷിച്ചു മുങ്ങിയ പത്തനംതിട്ട സ്വദേശിനിയെ പിടികൂടി

കോഴിക്കോട് മെഡിക്കല്‍ കോളജില്‍ നവജാതശിശുവിനെ അപരിചിതയെ ഏല്‍പ്പിച്ചു കടന്നുകളഞ്ഞ യുവതിയെ പോലീസ് പിടികൂടി. പത്തനംതിട്ട സീതത്തോട് സ്വദേശിയാണ് പിടിയിലായത്. വയനാട് സ്വദേശിനിയെന്നായിരുന്നു യുവതി മെഡിക്കല്‍ കോളജില്‍ വിലാസം നല്‍കിയിരുന്നത്. പോലീസ് അന്വേഷണത്തില്‍ ഇതു തെറ്റാണെന്ന് കണ്ടെത്തുകയായിരുന്നു. പ്രവാസിയായിരുന്ന യുവതി പ്രസവത്തിനായാണ് കോഴിക്കോട്ടെത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

എട്ടാം തീയ്യതിയാണ് യുവതി മെഡിക്കല്‍ കോളജിലെത്തിയത്. 12ാം തീയ്യതി ഇവര്‍ ആശുപത്രിയില്‍ നിന്നും പോയിരുന്നു. യുവതിയുമായി അടുപ്പമുള്ള സ്ത്രീയാണ് ആശുപത്രിയില്‍ കൂട്ട് നിന്നിരുന്നത് ഈ സ്ത്രീയെ കുഞ്ഞിന് അസുഖമെന്ന് പറഞ്ഞ് വീണ്ടും വിളിച്ചു വരുത്തിയ ശേഷം കുഞ്ഞിനെ ഈ സ്ത്രീയെ ഏല്‍പ്പിച്ച് അമ്മ മുങ്ങുകയായിരുന്നു. കുഞ്ഞിനെ ശിശു സംരക്ഷണ കേന്ദ്രത്തിലേക്ക് മാറ്റിയിരുന്നു.

ALSO READ: പ്രള്‍ഹാദ് ജോഷി പുതിയ വിദ്യാഭ്യാസ മന്ത്രി

News Tag Live യുട്യൂബ് ചാനല്‍ Subscribe ചെയ്യുക