കലയുടെ മൃതദേഹം കണ്ടെത്താൻ സെപ്റ്റിക് ടാങ്ക് പൊളിച്ചു പരിശോധന തുടങ്ങി; ഭർത്താവിനെ ഇസ്രായേലിൽ നിന്ന് നാട്ടിലെത്തിക്കും

ആ​ല​പ്പു​ഴ മാ​ന്നാ​റി​ല്‍​നി​ന്ന് 15 വ​ര്‍​ഷം മു​മ്പ് കൊന്നു കുഴിച്ചുമൂടിയെന്നു കരുതുന്ന കലയുടെ മൃതദേഹാവശിഷ്ടത്തിനായി പോലീസ് സെപ്റ്റിട് ടാങ്ക് പൊളിച്ചുപരിശോധിക്കുന്നു. 20കാരിയായ കലയെ കൊന്നു കുഴിച്ചുമൂടിയെന്ന രഹസ്യവിവരത്തെ തുടർന്നാണ് പോലീസ് നടപടി. കലയുടെ ഭർത്താവ് അനിൽ ഇപ്പോൾ ഇസ്രായേലിൽ ആണ്. ഇയാളെ ഉടൻ നാട്ടിലെത്തിക്കാനുള്ള ശ്രമവും പോലീസ് തുടങ്ങിയിട്ടുണ്ട്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

അനിലും കലയും പ്രണയിച്ചായിരുന്നു വിവാഹം കഴിച്ചത്. കഴിഞ്ഞദിവസമാണ് കലയുടെ കൊലപാതകത്തെക്കുറിച്ച് പോലീസിന് രഹസ്യവിവരം ലഭിച്ചത്. അനിലിന്റെ വീട് പുതുക്കിപ്പണിതിരുന്നു. എന്നാൽ വീടിനോടു ചേർന്നുള്ള പഴയ കുളിമുറിയും സെപ്റ്റിക് ടാങ്കും പൊളിച്ചുനീക്കിയിരുന്നില്ല.

ഈ സെപ്റ്റിക് ടാങ്കിൽ യുവതിയെ കുഴിച്ചുമൂടിയെന്നായിരുന്നു രഹസ്യവിവരം. ഇതുമായി ബന്ധപ്പെട്ട നാലുപേരെ പോലീസ് കസ്റ്റഡിയിലെടുത്തു. കലയ്ക്കും അനിലിനും ഒരു കുട്ടിയുണ്ട്. സ്വ​ന്തം വീ​ട്ടു​കാ​രു​മാ​യി ക​ല​യ്ക്ക് വ​ലി​യ അ​ടു​പ്പ​മി​ല്ലാ​യി​രു​ന്നെ​ന്നാ​ണ് വി​വ​രം. കല മറ്റൊരാൾക്കൊപ്പം ഒളിച്ചോടിയെന്നായിരുന്നു  പ്രചരിപ്പിച്ചിരുന്നത്.

News Tag Live യുട്യൂബ് ചാനല്‍ Subscribe ചെയ്യുക