തണ്ണിമത്തനുള്ളിൽ ഒളിപ്പിച്ചു ഖത്തറിലെത്തിച്ച 62 കിലോ​ഗ്രാം ഹാഷിഷ് പിടികൂടി

ദോഹ: തണ്ണിമത്തന്റെ തോടിനുള്ളിൽ ഒളിപ്പിച്ചു ഖത്തറിലേക്ക് കടത്താൻ ശ്രമിച്ച 62 കിലോ​ഗ്രാം ഹാഷിഷ് പിടികൂടി. അൽ റുവൈസിലെ മാരിടൈം കസ്റ്റംസ് വിഭാ​ഗമാണ് വൻതോതിലുള്ള മയക്കുമരുന്ന് വേട്ട നടത്തിയത്.

ന്യൂസ്ടാഗ് വാര്‍ത്തകള്‍ വാട്‌സാപ്പില്‍ കിട്ടും >>

സംശയം തോന്നിയതിനെത്തുടർന്ന് നടത്തിയ പരിശോധനയിലാണ് തണ്ണിമത്തനുള്ളിലെ മാംസം നീക്കിയ ശേഷം തോടിനുള്ളിൽ മയക്കുമരുന്ന് ഒളിപ്പിച്ചിരിക്കുന്നതായി കണ്ടെത്തിയതെന്ന് കസ്റ്റംസ് അധികൃതർ അറിയിച്ചു.

മെയ് മാസമാദ്യം സമാനരീതിയിൽ രാജ്യത്തേക്ക് കടത്താൻ ശ്രമിച്ച 90 കിലോ​ഗ്രാം ഹാഷിഷ് അധികൃതർ പിടിച്ചെടുത്തിരുന്നു. സംഭവത്തിൽ ആഫ്രിക്കൻ, ഏഷ്യൻ രാജ്യക്കാരായ നാലുപേരെ അറസ്റ്റ് ചെയ്യുകയും ചെയ്തിരുന്നു.

News Tag Live യുട്യൂബ് ചാനല്‍ Subscribe ചെയ്യുക